અંદરની વાત / વડોદરા મેયર, ડેપ્યુટી મેયર પદે કોના નામની ચર્ચા? ભાજપ સૂત્રો તરફથી મોટા સમાચાર, સેન્સ પ્રક્રિયા બાદ કટ્ટર હરીફો એક!

• વડોદરામાં મનપાના પદાધિકારીઓને લઈ મોટા સમાચાર 
• ભાજપની સેન્સ પ્રક્રિયા બાદ સંકલનની બેઠકમાં હરીફો એક થયા
• સ્ટેન્ડિંગ કમિટી ચેરમેન પદે મનોજ પટેલનું નામ મૂક્યું: સૂત્ર

વડોદરામાં મનપાના પદાધિકારીઓને લઈ મોટા સમાચાર સામે આવ્યા છે. મેયર, ડે.મેયર, સ્ટેન્ડિંગ કમિટીના ચેરમેનને લઈ ભાજપ સૂત્રો તરફથી મહત્વની વિગતો સામે આવી છે. ભાજપની સેન્સ પ્રક્રિયા બાદ સંકલનની બેઠકમાં કટ્ટર હરીફો એક થયા છે. સેન્સ પ્રક્રિયા બાદ સાંસદ, બે ધારાસભ્યો અને સંગઠન એક થયું છે.

સાંસદ અને બે ધારાસભ્યો અને સંગઠ એક થયું!
સૂત્ર પાપ્ત વિગતો મુજબ મેયર પદે હેમિષા ઠક્કર અને ડેપ્યુટી મેયર પદે ચિરાગ બારોટનું નામ સામે આવ્યું છે. સ્ટેન્ડિંગ કમિટી ચેરમેન પદે મનોજ પટેલનું નામ મૂક્યું છે. સાંસદે હેમિષા ઠક્કર, વિધાનસભા દંડકે મનોજ પટેલનું નામ મુક્યુ છે. સંગઠને ચિરાગ બારોટનું નામ સંકલન બેઠકમાં મુક્યુ છે. ત્રણ MLAએ મેયર પદે નંદાબેન જોશી અથવા વર્ષાબેન વ્યાસનું નામ મુક્યુ છે. ત્રણ MLAએ ડેપ્યુટી મેયર પદે ઘનશ્યામ પટેલનું નામ મૂક્યું છે. ત્રણ MLAએ સ્ટેન્ડિંગ કમિટી ચેરમેન પદે ડૉ.શિતલ મિસ્ત્રીનું નામ મૂક્યાની વિગતો સામે આવી છે.

વડોદરાના નવા મેયર કોણ હોઈ શકે ?
વડોદરાના સંયાજીગંજ વિસ્તારમાં આવેલા ભાજપ કાર્યાલય ખાતે થોડા દિવસ અગાઉ પૂર્વ સાંસદ દિપક સાથી, ધારાસભ્ય રાકેશ શાહ અને ખેડા જિલ્લા પંચાયતના પ્રમુખ નયનાબેન પટેલ દ્વારા સેન્સ પ્રક્રિયા હાથ ધરવામાં આવી હતી. જેમાં મેયર, ડેપ્યુટી મેયર અને સ્ટેન્ડિંગ કમિટીના ચેરમેન માટે કોર્પોરેટરો, પ્રભારીઓના અભિપ્રાયો લેવામાં આવ્યા હતા. આપને જણઆવી દઈએ કે, વડોદરાના મેયરની રેસમાં અનેક નામોની ચર્ચા છે.

અમદાવાદમાં 11 સપ્ટેમ્બરે મેયરનું નામ કરાશે જાહેર
અમદાવાદની વાત કરીએ તો અમદાવાદના મેયર, સ્ટેન્ડિંગ કમિટીના ચરમેન સહિતના પદાધિકારીઓની અઢી વર્ષની ટર્મ પૂરી થવા જઈ રહી છે, ત્યારે 11મી સપ્ટેમ્બરે અમદાવાદને નવા મેયર મળશે. 11 સપ્ટેમ્બરે સવારે કોર્પોરેશન ખાતે મળનારી સામાન્ય સભામાં નવા મહિલા મેયરના નામની જાહેરાત કરવામાં આવશે. જે બાદ સ્ટેન્ડિંગ ચેરમેન સહિતના પદાધિકારીઓના નામ જાહેર કરાશે.