- વડોદરામાં હરણી લેકઝોનમાં બોટ ડૂબી જવાનો કેસ
- હરણી લેકમાં બોટિંગ રાઈડ્સમાં અનેક ખામીઓ હતી
- સરકારે ફરિયાદમાં સ્વિકાર્યુ કે અનેક ખામીઓ હતી
રાજ્યમાં ફરી બેદરકારીના ખપ્પરમાં 15 બાળકો સહિત 17 વ્યક્તિ હોમાઇ ગયા છે. ત્યારે વડોદરામાં બનેલી કરુણાંતિકાની પ્રાથમિક તપાસમાં જ કોન્ટ્રાક્ટરની ઘોર બેદરકારી સામે આવી છે. હરણી લેકમાં બોટિંગ રાઇડ્સમાં અનેક ખામીઓ અને બેદરકારી રખાઇ હોવાનો ખુલાસો થયો છે. સેફ્ટીની ઐસીતૈસી કરીને બોટમાં ઠાંસી ઠાંસીને લોકોને ભરી સેફ્ટી વિના બોટરાઇડ કરાવાતી હોવાનો ખુલાસો થયો છે.
સેફ્ટી સાધનોની વ્યવસ્થા કરાઇ ન હતી!
હરણી લેકમાં બોટિંગ સેવાની યોગ્ય સમારકામ પણ ન કરાયાનું સામે આવ્યું છે. એટલું જ નહીં, બોટિંગ દરમિયાન બોયા, રિંગ, દોરડા જેવા કોઇ પણ સેફ્ટી સાધનોની વ્યવસ્થા કરાઇ ન હતી. સામાન્ય કહી શકાય તેવા સેફ્ટી સાધનો અને પ્રોટોકોલની પણ દરકાર ન લેવાતાં આખરે ભુલકાઓએ આની કિંમત ચૂકવવાનો વારો આવ્યો છે.
બેદરકારીના કારણે દૂર્ઘટના
દરેક બોટિંગ રાઇડ ચાલુ કરતા પહેલા જરૂરી સૂચનાઓ આપવી જોઇએ. જે અપાઇ ન હોવાનો ખુલાસો થયો છે. એટલું જ નહીં ક્ષમતા કરતા વધારે વિદ્યાર્થીઓને એકી સાથે ઠાંસીઠાંસીને બેસાડી બોટિંગ કરાવાતાં આ દુર્ઘટના ઘટી હોવાનો ફરીયાદમાં ઉલ્લેખ કરાયો છે. જો કે રાજ્યમાં કોન્ટ્રાક્ટ પ્રથા પર ચાલતા તમામ એકમો, જગ્યાઓ કે સેવાઓમાં આચરાતી ઘોર બેદરકારીના કારણે વારંવાર મોટી હોનારતો બને છે. તેવામાં આવી ઘટનાઓ રોકવા માટે બિનીત કોટીયા જેવા કોન્ટ્રાક્ટરોને આકરીમાં આકરી સજા થાય તેવી માગ ઉઠી રહી છે.
વાંચવા જેવું: વડોદરા ટ્રેજેડી: બોટિંગ કોન્ટ્રાક્ટને લઇ ચોંકાવનારો ઘટસ્ફોટ, સામે આવ્યું બિનઅનુભવી ફૂડ કંપનીનું નામ
18 સામે ગુનો દાખલ કરાયો
વડોદરામાં હરણી બોટ દુર્ઘટના મામલે 18 સામે ગુનો દાખલ કરાયો છે. મેસર્સ કોટીયા પ્રોજેકટના સંચાલકો વિરૂધ્ધ બેદરકારી અને નિષ્કાળજીનો ગુનો નોંધાયો છે.
- મેસર્સ કોટીયા પ્રોજેકટના સંચાલકો
બીનીત કોટીયા
હિતેષ કોટીયા
ગોપાલદાસ શાહ
વત્સલ શાહ
દિપેન શાહ
ધર્મીલ શાહ
રશ્મિકાંત સી. પ્રજાપતિ
જતીનકુમાર હરીલાલ દોશી
નેહા ડી.દોશી
તેજલ આશિષકુમાર દોશી
ભીમસિંગ કુડિયારામ યાદવ
વૈદપ્રકાશ યાદવ
ધર્મીન ભટાણી
નુતનબેન પી.શાહ
વૈશાખીબેન પી.શાહ
શાંતિલાલ સોલંકી, મેનેજર, હરણી લેકઝોન
અંકિત, બોટ ઓપરેટર
