7ના મોત / ઉત્તરાખંડ બસ દુર્ઘટના: CM ભૂપેન્દ્ર પટેલે કહ્યું બનાવથી ખૂબ જ વ્યથિત, ગુજરાત સરકારે જાહેર કર્યો હેલ્પલાઈન નંબર

• ઉત્તરાખંડના ગંગોત્રી હાઈવે પર ગુજરાતીઓને નડ્યો અકસ્માત
• બસ ખીણમાં ખાબકતા 7ના મોત, 27 મુસાફરોને ઈજા
• તમામ મૃતકો ભાવનગર જિલ્લાના રહેવાસી
• બસમાં 3 લોકો સુરતના અને 31 લોકો ભાવનગરના હતા

રાજ્યના રાહત કમિશનર આલોક પાંડેએ આ અંગેની વિગતો આપતા કહ્યું છે કે પ્રાથમિક માહિતી પ્રમાણે સાત ગુજરાતી પ્રવાસીઓના મૃત્યુ થયા છે અને 27 જેટલા પ્રવાસીઓ ઘાયલ થયા છે.

ઉત્તરાખંડમાં બસ ખાઈમાં પડી જવાને કારણે ગુજરાતના મુસાફરોએ જીવ ગુમાવ્યો તે દુ:ખદ ઘટનાથી હું દુઃખી છું. હું મૃતકોના પરિવારજનો પ્રત્યે હૃદયપૂર્વક સંવેદના વ્યક્ત કરું છું.

ઘાયલ નાગરિકો ઝડપથી સાજા થાય તેવી પ્રાર્થના. 🙏

— Rivaba Ravindrasinh Jadeja (@Rivaba4BJP) August 20, 2023

ઉત્તરાખંડ સરકાર સાથે ગુજરાત સરકાર સતત સંપર્કમાંઃ  આલોક પાંડે
આલોક પાંડેએ જણાવ્યું છે કે જે પ્રવાસીઓના મૃત્યુ થયા છે. તેમની વિગતો મેળવવા ઉત્તરાખંડ સરકાર સાથે ગુજરાત સરકાર સંપર્કમાં છે. તેમજ ઉત્તરાખંડના રાહત કમિશનર પાસેથી મેળવેલી પ્રાથમિક માહિતી મુજબ આ બસ ભાવનગરની એક ખાનગી ટ્રાવેલ્સની બસ દ્વારા આ  33 જેટલા પ્રવાસીઓ ઉત્તરાખંડ ગયા હતા અને ત્યાંથી સ્થાનીક ખાનગી પ્રવાસી બસ મારફતે આગળનો પ્રવાસ કરતા હતા. ત્યારે આ દુર્ઘટના સર્જાઈ હતી.

ઉત્તરાખંડમાં બસ ખીણમાં ખાબકતાં 7 ગુજરાતીઓના મોત, સરકારે વધુ જાણકારી માટે હેલ્પ લાઇન નંબર કર્યો જાહેર#Uttarakhand #HighWay #passengers #bus #accident #vtvgujarati pic.twitter.com/ps0fVPiAo5

— VTV Gujarati News and Beyond (@VtvGujarati) August 20, 2023

ગુજરાત સરકાર દ્વારા ઈમરજન્સી હેલ્પલાઈન નંબર જાહેર કરાયો
ઉત્તરાખંડમાં સર્જાયેલ બસ દુર્ઘટનામાં ગુજરાતી પ્રવાસીઓની જાણકારી અને વિગતો માટે રાજ્ય સરકારનાં ગાંધીનગર સ્થિત સ્ટેટ ઈમરજન્સી ઓપરેશન સેન્ટર દ્વારા ઈમરજન્સી  હેલ્પલાઈન ફોન નંબર 079 23251900  જાહેર કરવામાં આવ્યો છે. આ  ફોન નંબર પર સીધા સંપર્ક કરી શકશો. તેમ રાહત કમિશ્નર આલોક પાંડેએ જણાવ્યું હતું.

ઈજાગ્રસ્ત લોકોને સારવાર અર્થે ઋષિકેશ લઈ જવાની વ્યવસ્થા કરવામાં આવી રહી છે

ઉત્તરાખંડમાં સર્જાયેલ દુર્ઘટનાં બાબતે રાજ્યનાં રાહત કમિશ્નર આલોક પાંડેએ વિગતો આપતા જણાવ્યું હતું કે,  દુર્ઘટનામાં 7 ગુજરાતીઓનાં મોત નિપજ્યા છે. તેમજ 27 જેટલા પ્રવાસીઓ ઘાયલ છે.  તેમજ ઉત્તરાખંડ એનડીઆરએફની બચાવ ટુકડીઓ રાહત કામગીરીમાં જોડાઈ છે. અને વધુ ઈજાગ્રસ્ત લોકોને સારવાર અર્થે ઋષિકેશ લઈ જવાની વ્યવસ્થા કરવામાં આવી રહી છે.