ફટકો / અમેરિકા જવું હવે વધુ મોંઘું! H-1B, EB-5, L-1વિઝા ફીમાં ધરખમ વધારો, જાણો કેટલો અને કયારથી થશે લાગુ

• અમેરિકાએ H-1B, EB-5 અને L-1 વિઝા ફીમાં ધરખમ વધારો કર્યો
• ભારતીયોમાં લોકપ્રિય H-1B, EB-5 અને L-1 વિઝાનો સમાવેશ થાય 
• નોટિફિકેશન મુજબ H-1B વિઝા એપ્લિકેશન ફી હવે $460 ને બદલે $780 થશે
• H-1B નોંધણી ફી $10 થી વધારીને $215 કરવામાં આવી

યુએસએ નોન-ઇમિગ્રન્ટ વિઝાની વિવિધ શ્રેણીઓમાં ભારે ફી વધારાની જાહેરાત કરી છે. તેમાં ભારતીયોમાં લોકપ્રિય H-1B, EB-5 અને L-1 વિઝાનો સમાવેશ થાય છે. ફી વધારો 1 એપ્રિલથી લાગુ થશે. બુધવારે જારી કરાયેલ ફેડરલ નોટિફિકેશન મુજબ H-1B વિઝા એપ્લિકેશન ફી હવે $460 ને બદલે $780 ખર્ચશે. એ જ રીતે H-1B નોંધણી ફી $10 થી વધારીને $215 કરવામાં આવી છે. પરંતુ આ આવતા વર્ષથી લાગુ થશે.

2016 પછી પ્રથમ વખત ફી વધારો 

એ જ રીતે L-1 વિઝા ફી $460 થી વધારીને $1,385 કરવામાં આવી છે. આ સાથે રોકાણકારો વિઝા તરીકે ઓળખાતા EB-5 માટેની ફી $3,675 થી વધારીને $11,160 કરવામાં આવી છે. 2016 પછી પ્રથમ વખત ફી વધારો 1 એપ્રિલથી લાગુ કરવામાં આવશે.

H-1B વિઝા એ નોન-ઇમિગ્રન્ટ વિઝા

નોંધનીય છે કે H-1B વિઝા એ નોન-ઇમિગ્રન્ટ વિઝા છે, જે અમેરિકન કંપનીઓને ટેકનિકલી પ્રશિક્ષિત વિદેશી વ્યાવસાયિકોને નોકરી પર રાખવાની મંજૂરી આપે છે. એ જ રીતે L-1 વિઝા જે ઇન્ટ્રાકંપની દ્વારા ડિઝાઇન કરવામાં આવ્યો છે. જે બહુરાષ્ટ્રીય કંપનીઓને અસ્થાયી રૂપે તેમની વિદેશી કચેરીઓમાં કામ કરતા કર્મચારીઓને યુએસમાં કામ કરવાની મંજૂરી આપે છે.

વધુ વાંચો : ગુડ ન્યુઝ: H-1B Visa માટે હવે અમેરિકા છોડવાની જરૂર નથી, જેનો સૌથી મોટો ફાયદો ભારતીયોને

1990 માં અમેરિકા દ્વારા EB-5 પ્રોગ્રામ શરૂ કરવામાં આવ્યો હતો

1990 માં અમેરિકા દ્વારા EB-5 પ્રોગ્રામ શરૂ કરવામાં આવ્યો હતો, જે રોકાણકારોને આકર્ષિત કરે છે. આ અંતર્ગત અરજદાર અમેરિકન બિઝનેસમાં પાંચ લાખ ડોલરનું રોકાણ કરીને પોતાના અને પરિવાર માટે અમેરિકન વિઝા મેળવી શકે છે.