ઈન્ટરનેશનલ / લકવાગ્રસ્ત મુસાફર સાથે એરલાઇન્સે કર્યો દુર્વ્યવહાર, કોર્ટે કહ્યું, ભરો હવે 247 કરોડ રૂપિયા

• યૂનાઈટેડ એરલાઈન્સને એક યાત્રી સાથે દુર્વ્યવહાર કરવો ભારે પડ્યો
• એરલાઈનને આ યાત્રીને 247 કરોડ રૂપિયાની ચૂકવણી કરવાનો આદેશ
• વર્ષ 2019ના મામલે કોર્ટ આપ્યો ચુકાદો

અમેરિકાની યૂનાઈટેડ એરલાઈન્સને એક યાત્રી સાથે દુર્વ્યવહાર કરવો ભારે પડી ગયું છે. કોર્ટે એરલાઈનને આ યાત્રીને 247 કરોડ રૂપિયાની ચૂકવણી કરવાનો આદેશ આપ્યો છે. આ સમગ્ર મામલો 2019નો છે, જેનો નિર્ણય હવે આવ્યો છે. 

શું છે સમગ્ર મામલો?
મીડિયા રિપોર્ટ અનુસાર નથાનિએલ ફોસ્ટર જૂનિયર નામનો યાત્રી વર્ષ 2019માં યૂનાઈટેડ એરલાઈનના વિમાનમાં બેઠો હતો. નથાનિએલ નામની આ વ્યક્તિને લકવા છે અને વ્હીલચેર પર જીવન પસાર કરી રહ્યા છે. લકવાગ્રસ્ત નથાનિએલે દાવો કર્યો હતો કે, આ ઘટના પછી તેઓ કંઈ બોલી શક્યા નથી અને કંઈ ખાઈ પણ શક્યા નથી. ત્યારપછી ડોકટરોએ જણાવ્યું કે, તેમની જીવન જીવવાની એક્સપેક્ટેંસી ઓછી થઈ ગઈ છે. 

ફ્રાંસિસ્કોમાં આવેલ સંઘીય અદાલતે આ મામલે સુનાવણી કરી છે. નથાનિએલની માતા જણાવે છે કે, યાત્રા કરતા પહેલા તેમણે યૂનાઈટેડ એરલાઈનના હેલ્પ ડેસ્ક પર ફોન કર્યો હતો. ફોન પર જણાવ્યું કે, તેમના દીકરાને વિમાનમાં ચઢવા અને ઉતરવા માટે સહાયતા કરવામાં આવશે. કેસમાં દાવો કરવામાં આવ્યો હતો કે, નથાનિએલ લુઈસિયાના પહોંચ્યા તો વિમાનમાંથી ઉતરવા માટે મદદ કરવામાં માત્ર એક ફ્લાઈટ અટેન્ડન્ટ હાજર હતો. ફરિયાદ અનુસાર નથાનિએલને વિમાનમાંથી બહાર નીકળવા માટે 4-6 લોકોની મદદની જરૂર હોય છે. 

મીડિયા રિપોર્ટ અનુસાર આ સપ્તાહે કોર્ટે બંને પક્ષ વચ્ચે સમજૂતી કરાવી છે અને વિમાન કંપનીએ પીડિત અને તેના પરિવારને 30 મિલિયન ડોલર (247 કરોડ રૂપિયા) ની રકમ આપવાનો આદેશ આપ્યો છે. જેમાંથી 12 મિલિયન ડોલરથી કાયદાકીય ફી ચૂકવવામાં આવશે. અન્ય 3 મિલિયન ડોલરથી અન્ય ખર્ચા ચૂકવવામાં આવશે. 

રિપોર્ટ અનુસાર પરિવારના વકીલે એક કાયદાકીય ફાઈલિંગમાં જણાવ્યું છે કે, નથાનિએલ વ્હીલચેર, વેટિંલેટર અને ટ્રેકિઅલ ટ્યૂબનો ઉપયોગ કરતા હતા. ફરિયાદ અનુસાર ઘટના દરમિયાન નથાનિએલ ડરી ગયા હતા. તેમણે એજન્ટને જણાવ્યું કે, તેઓ શ્વાસ નથી લઈ શકતા. એજન્ટે આ વાત હસીને ટાળી હતી અને જણાવ્યું હતું કે, ‘વી ગોટ ધીસ’. વિમાનમાં બેઠેલ એક ડોકટરે નથાનિએલની મદદ કરી હતી અને તેમણે જોયું કે, નથાનિએલને હાર્ટ એટેક આવ્યો હતો.