BIG BREAKING / દિલ્હી એરપોર્ટ પર મોટી દુર્ઘટના ટળી : એક જ રનવે એકસાથે બે પ્લેનને ટેકઑફ અને લેન્ડિંગની મળી ગઈ પરમીશન, પછી જુઓ શું થયું

• દિલ્હી એરપોર્ટ બુધવારે મોટી દુર્ઘટના ટળી
• એક જ સમયે બે એરક્રાફ્ટને લેન્ડ અને ટેક ઓફ કરવાની મંજૂરી
• દુર્ઘટના થાય તે પહેલા જ એક વિમાનને અટકાવવામાં આવ્યું

દિલ્હી એરપોર્ટ પર આજે એટલે કે બુધવારે મોટી દુર્ઘટના ટળી હતી. વાત જાણે એમ છે કે, દિલ્હી એરપોર્ટ પર એક જ સમયે બે અલગ-અલગ એરક્રાફ્ટને લેન્ડ અને ટેક ઓફ કરવાની મંજૂરી આપવામાં આવી હતી. જોકે દુર્ઘટના થાય તે પહેલા જ એક વિમાનને અટકાવવામાં આવ્યું હતું અને દુર્ઘટના ટળી હતી.

DGCA derosters air traffic controller for the runway incursion incident at Delhi airport: Official

— Press Trust of India (@PTI_News) August 23, 2023

દિલ્હી એરપોર્ટના તાજેતરમાં ઉદ્ઘાટન કરાયેલા રનવે પરથી પશ્ચિમ બંગાળના બગડોરા જઈ રહેલી ફ્લાઈટ નંબર UK725ને બુધવારે સવારે ટેકઓફ કરવાની મંજૂરી આપવામાં આવી હતી. આ સમયે અમદાવાદથી દિલ્હી જતી વિસ્તારાની ફ્લાઈટ લેન્ડ થવાની હતી. પ્લેન ટેક ઓફ કરવા જઈ રહ્યું હતું ત્યારે અચાનક ATCને ફ્લાઈટ રોકવાની સૂચના મળી. સૂચના મળતાં જ પ્લેન થંભી ગયું અને થોડી જ મિનિટોમાં અમદાવાદથી પ્લેન લેન્ડ થયું.

બંને વિમાનોને એક જ સમયે પરવાનગી આપવામાં આવી હતી, પરંતુ ATCએ તેના પર નિયંત્રણ સ્થાપિત કર્યું હતું. ઘટના વિશે જાણતા એક અધિકારીએ જણાવ્યું કે ATC અધિકારીએ તરત જ ટેક-ઓફ ફ્લાઈટ્સ બંધ કરી દીધી.  ટેક-ઓફ અટકાવ્યા બાદ દિલ્હી બગડોરા જતી ફ્લાઈટને તરત જ રનવે પરથી હટાવીને પાર્કિંગમાં લઈ જવામાં આવી હતી.