રેસિપી / દિલ લલચાયે, રહા ના જાયે, ઘરે જ માણો ગરમીમાં કૂલ કુલ્ફીની મજા

ઉનાળાની ઋતુમાં કૂલ-કૂલ આઈસ્ક્રીમ ખાવાની મજા કોને ન પડે? એમાંય વળી આપણો દેશી આઈસ્ક્રીમ કૂલ્ફી મળી જાય તો તો મજા જ પડી જાય. કારણ કે તેનો ટેસ્ટ તો કંઈક અલગ જ હોય છે. અને જો એ કૂલ્ફી આઈસ્ક્રીમ ઘરે જ બનાવીને પીરસવામાં આવે તો તેનાથી મોટું સુખ કોઈ નથી તેવી લાગણી થાય. 

આજે અમે તમારી માટે લાવ્યા છીએ ખાસ રોઝ કુલ્ફી આઈસક્રીમ, જેનાથી તમારા મોઢામાં પાણી આવી જશે.   તો આજે જ તમારા રસોડે  ટ્રાય કરો આ કૂલ્ફી રેસિપી. 

ફ્રેશ રોઝ કુલ્ફી

સામગ્રી

-7 થી 8તાજા ગુલાબના ફૂલ 
-1 લીટર ક્રીમવાળુ દૂધ 
-1/2 વાડકી ખાંડ  
-2 ટેબલ સ્પૂન ક્રીમ 
-3 ટેબલ સ્પૂન દૂધ પાવડર 
-2 ટેબલ સ્પૂન ગુલાબજળ  
-2 ટેબલ સ્પૂન ચાસણી 

રીત 

સૌ પ્રથમ ગુલાબના ફૂલોના પાનને ચોખ્ખા પાણીથી ધોઈને વાટીને તેનો રસ કાઢી લો. ત્યાર બાદ દૂધને ઉકાળવા મૂકો. જ્યારે તે અડધુ રહી જાય એટલે ગેસ બંધ કરી ઠંડુ કરી લો. હવે તેમાં ગુલાબનો રસ, ચાસણી, ખાંડ, દૂધ પાવડર, ક્રીમ અને ગુલાબ જળ નાખી બરાબર મિક્સ કરો. ત્યાર બાદ તેને મિક્સર જારમાં નાખીને ચલાવી લો. હવે આ મિશ્રણને કુલ્ફીને સાંચામાં નાખીને ફ્રીજરમાં મુકો. બરાબર સેટ થાય એટલે કૂલ-કૂલ સર્વ કરો. રોજ કુલ્ફી તૈયાર છે.