ટિપ્સ / મહિનાઓ સુધી એકદમ તાજા રહેશે મીઠા લીમડાના પાન, આ રીતે કરો સ્ટોર

અમે આજે તમને મીઠો લીમડો સ્ટોર કરવાની એક એવી રીત બતાવવા જઇ રહ્યા છીએ જેનાથી મહિનાઓ સુધી મીઠો લીમડો ફ્રીઝમાં એકદમ ફ્રેશ રહેશે, તમે તેને લાંબો સમય પછી પણ યૂઝ કરશો તો સુગંધ અને ટેસ્ટ એકદમ સરસ આવશે.

- એકદમ તાજા મીઠા લીમડાનો પાન લો અને પાનને પાણીથી ધોઇ નાંખો. ઘણી વખતે આપણે વઘાર પહેલા પાણીથી પાન ધોઇએ તો તેમાં રહેલું પાણી તેલમાં ઉડે છે. તેને કારણે તેલના છાંટા આપણા પર ઉડવાની શક્યતા રહે છે આથી મીઠા લીમડાને ધોઇને જ સ્ટોર કરવા જોઇએ.

- હવે ચાળણીમાં સુતરાઉ કાપડ પાથરી તેમાં મીઠા લીમડાના પાન રાખો, તેને આખી રીતે પંખા નીચે સૂકવવી દો. મીઠા લીમડાના પાનને સૂર્યપ્રકાશમાં કોરા ના કરવા, નહીં તો રંગ પણ ઉડી જાય છે અને પોષકતત્વો પણ ઓછા થઇ જાય છે.

- તમે સવારે જોશો કે સુતરાઉ કપડા પર પાન એકદમ કોરા થઈ ગયા છે. આ કોરા પાનને કાચની એરટાઇક બોટલમાં ભરીને ફ્રીઝમાં મૂકી દો. તમે મહિનાઓ સુધી આ પાન વાપરશો તો એકદમ ફ્રેશ રહેશે.