આસ્થા / ખરમાસમાં ભૂલથી પણ ના કરવા જોઈએ આ કામ, ગંભીર પરિણામ મળવાની છે માન્યતા

• 15 માર્ચ 2023થી ખરમાસની શરૂઆત.
• ખરમાસમાં સૂર્યની ઉપાસનાને શુભ માનવામાં આવે છે.
• ખરમાસમાં શું કરવું જોઈએ અને શું ના કરવું જોઈએ.

હિંદુ ધર્મમાં ખરમાસ મહિનાને અશુભ માનવામાં આવે છે. 15 માર્ચ 2023થી ખરમાસની શરૂઆત થઈ ગઈ છે, જે 14 એપ્રિલ સુધી ચાલશે. સૂર્ય મીન રાશિમાં હોય તો તે સમયગાળાને ખરમાસ કહેવામાં આવે છે. આ સમયગાળાને અશુભ માનવામાં આવે છે અને આ દરમિયાન કોઈપણ શુભ કાર્ય કરવામાં આવતું નથી. ખરમાસમાં સૂર્યની ઉપાસનાને શુભ માનવામાં આવે છે. ખરમાસમાં શું કરવું જોઈએ અને શું ના કરવું જોઈએ તે અંગે અહીંયા વિગતવાર જાણકારી આપવામાં આવી છે. 

ખરમાસમાં શું ના કરવું જોઈએ?

ખરમાસ દરમિયાન કોઈપણ શુભ કાર્ય ના કરવું જોઈએ. આ દરમિયાન સગાઈ, વિવાહ, બાબરી, ગૃહપ્રવેશ જેવા શુભ કાર્ય ના કરવા જોઈએ. ખરમાસમાં નવા કામની પણ શરૂઆત ના કરવી જોઈએ. માનવામાં આવે છે કે, ખરમાસમાં રીત રિવાજથી લગ્ન કરનાર લોકોનું વૈવાહિક જીવન સારું રહેતું નથી. ઉપરાંત મકાન નિર્માણનું કામ પણ શરૂ ના કરવું જોઈએ. સંપત્તિની પણ ખરીદી ના કરવી જોઈએ. આ સમયે જે પણ વસ્તુ ખરીદવામાં આવે છે, તેનું અશુભ ફળ મળે છે. ખરમાસમાં યજ્ઞ અને હવન પણ કરવામાં આવતા નથી. આ સમયે ગાડી, ઘરેણાં જેવી કિંમતી વસ્તુઓની પણ ખરીદી ના કરવી જોઈએ. 

ખરમાસમાં શું કરવું જોઈએ?

ખરમાસમાં વિવાહને અશુભ માનવામાં આવે છે. આ સમયે કોર્ટ મેરેજ કરી શકાય છે. દાન અને પુણ્ય કરવું, જાપ કરવો, આરાધના કરવી પણ શુભ માનવામાં આવે છે. સૂર્ય દેવતાની આરાધના કરવાથી સારું ફળ પ્રાપ્ત થાય છે. બાળકોનું અન્નપ્રાશન પણ ખરમાસમાં કરી શકાય છે. ઉપરાંત ખરમાસમાં બ્રાહ્મણ અને ગૌમાતાની સેવા કરવાથી શુભ ફળ પ્રાપ્ત થાય છે. ખરમાસમાં તીર્થ યાત્રા માટે જવું તે પણ સારી વાત છે.