- સુરત ગણેશ પંડાલોમાં ધૂમ
- 10 ઋષિમુનીઓના ચરિત્ર પર થીમ
- ગાર્ડન ગ્રૂપ દ્વારા મંડપ સજાવાયો
મુંબઈ બાદ ગણેશ ઉત્સવની સૌથી વધુ ધૂમ પૂર્વક ઉજવણી સુરત શહેરમાં જોવા મળે છે. સુરત શહેરની શેરીએ શેરીએ ગણેશજીની પાર્થિવ પ્રતિમાનું સ્થાપન કરવામાં આવે છે. સુરતમાં ગણેશ ચતુર્થીથી અનંત ચૌદસ સુધી ગણેશજીની પૂજા અર્ચના ખૂબ જ ધામધૂમથી કરવામાં આવે છે. આ અંતર્ગત અનેક મંડળો દ્વારા ગણેશજીના પંડાલોને નીત નવી થીમ ઉપર શણગારવામાં આવે છે. આ પંડાલોને શણગારવા માટેની કામગીરી ત્રણ મહિના અગાઉ જ શરૂ થઈ જતી હોય છે. સુરત શહેરમાં પણ ગણેશ પંડાલને સજાવવા માટેની કામગીરી જોરશોરથી ચાલી રહી છે. એક અલગ થીમ ઉપર જ ગણેશ પંડાલને આ વખતે સજાવવાની ગણેશ ભક્તોએ તૈયારી કરી છે.
ગાર્ડન ગ્રુપ દ્વારા લોકોને ભારતીય સંસ્કૃતિની થીમ ઉપર ગણેશ પંડાલને સજાવવામાં આવશે
આજે 21મી સદીનો યોગ ભારતનો યુગ કહેવામાં આવે છે. પરંતુ પૌરાણિક કાળમાં પણ ભારતનો દબદબો યથાવત હતો. ભારતની હડપ્પા અને લોથલની પ્રાચીન સંસ્કૃતિઓ જગવિખ્યાત હતી. આજે ભારતની નવી પેઢી આ સંસ્કૃતિને ભૂલી ચૂકી છે. આ ઉપરાંત આપણા ઋષિમુનિઓ જે વૈજ્ઞાનિકો પણ હતા. તેઓના જીવનની ઝાંખી પણ આપણા સંસ્કૃતિમાંથી લુપ્ત થતી જોવા મળી રહી છે. ત્યારે સુરતના પ્રખ્યાત એવા ગાર્ડન ગ્રુપ દ્વારા લોકોને ભારતીય સંસ્કૃતિની ઝાંખી મળે અને આજની યુવા પેઢી ગણેશ પંડાલોમાંથી શીખ લે અને ભારતના ઉજ્જવળ ભવિષ્યમાં તેમનો સાથ સહકાર આપે તે માટે અનોખી થીમ ઉપર ગણેશ પંડાલને સજાવવામાં આવશે.
10 જેટલા ઋષિમુનિઓના જીવન ચરિત્ર ની ઝાંખી ઉપર ગણેશ મંડપને સજાવટ કરવામાં આવશે
સુરત શહેરના ગાર્ડન ગ્રુપ દ્વારા આ વખતે ભારતની પૌરાણિક સંસ્કૃતિ એટલે કે 10 જેટલા ઋષિમુનિઓના જીવન ચરિત્ર ની ઝાંખી ઉપર ગણેશ મંડપને સજાવટ કરવામાં આવશે. આ મંડપમાં 10 જેટલા ઋષિમુનિઓના જીવન ચરિત્રને દર્શાવવામાં આવશે. ભારતે અત્યાર સુધી હડપ્પા અને લોથલ જેવી સંસ્કૃતિઓની ઝાંખી વિશ્વને આપી છે. સાથે સાથે ભારતે શૂન્ય પણ દુનિયાને આપ્યો છે. જેના થકી થી દુનિયા આજે કરોડોના હિસાબની ગણતરી કરી શકે છે. આ ઉપરાંત પ્રાચીન કાળમાં ઋષિમુનિઓ દ્વારા ખગોળશાસ્ત્રમાં અનેક શોધ કરવામાં આવી હતી. જે શોધોને લઈને આજે પણ ભારતની યુવા પેઢીને માહિતી નથી. તેથી ગાર્ડન ગ્રુપ દ્વારા યુવાનો આજના બાળકો આ ઝાંખીમાંથી કંઈક નવું શીખે અને ભારતની સંસ્કૃતિને ઓળખે તે પ્રકારનો પ્રયાસ કરવામાં આવ્યો છે.
અલગ અલગ થીમ ઉપર ગણેશ મંડપોને સજાવવામાં આવે છે
સુરત શહેરના વિવિધ વિસ્તારોમાં અનેક અલગ અલગ થીમ ઉપર ગણેશ મંડપોને સજાવવામાં આવતા હોય છે ત્યારે આ સજાવટની કામગીરી માટે કલાકારો દ્વારા અથાગ મહેનત કરવામાં આવતી હોય છે પૌરાણિક ઋષિમુનિઓની ઝાંખી તૈયાર કરતા કલાકારોએ જણાવ્યું હતું કે, કલાકારો સવારે આવવાનો સમય નક્કી રાખે છે. પરંતુ જ્યાં સુધી તેમની કામગીરી પૂર્ણ નથી થતી ત્યાં સુધી તેઓ પોતાના ઘરે પણ જતા નથી એટલે ગણેશ મંડપની અંદર જે થીમો બને છે. એ થીમ માટે કલાકારો આકરી મહેનત કરતા હોય છે. અને આ કલાકારો પોતાની મહેનત થકી થી ભારતીય સંસ્કૃતિને ઉજાગર કરવાનું કામ કરે છે.
