ક્રિકેટ / T20 વર્લ્ડ કપમાં આ ક્રિકેટરે લીધું ડ્રગ, હવે લેવાયું એક્શન

પાકિસ્તાન ક્રિકેટ ટીમના ઓલરાઉન્ડર મોહમ્મદ નવાઝ મુશ્કેલીમાં આવ્યો છે. કેમ કે, ICC મેન્સ T20 વર્લ્ડ કપ 2026 દરમિયાન ડ્રગ્સ માટે તેનો ટેસ્ટ પોઝિટિવ આવ્યો હતો જેના કારણે પાકિસ્તાન ક્રિકેટ બોર્ડે તપાસ શરૂ કરી હતી.

રીપોર્ટ મુજબ આ ટુર્નામેન્ટ દરમિયાન રૂટીન ટેસ્ટના ભાગ રૂપે નમૂના લેવામાં આવ્યા હતા. પાકિસ્તાને તેની બધી મેચ શ્રીલંકામાં રમી હતી. આ ટુર્નામેન્ટમાં 32 વર્ષીય નવાઝનું પ્રદર્શન પણ ખરાબ હતું. તેને 5 ઇનિંગ્સમાં માત્ર 15 રન બનાવ્યા હતા અને 7 વિકેટ લીધી હતી અને પાકિસ્તાન સુપર 8 સ્ટેજમાંથી બહાર થઈ ગયું હતું.

આ વિવાદની તેના કરિયર  પર તરત અસર પડી છે. જેમાં ઇંગ્લિશ કાઉન્ટી ક્લબ સરે કાઉન્ટી ક્રિકેટ ક્લબ સાથેનો તેનો કરાર પણ સમાપ્ત થઈ ગયો છે. નવાઝને T20 બ્લાસ્ટમાં રમવા માટે પહેલાથી જ NOC મળી ચૂક્યું હતું અને આ અઠવાડિયે તેના કરારની જાહેરાત થવાની હતી.પણ તે હવે 26 મે થી 18 જુલાઈ સુધી ચાલનારી લીગમાં ભાગ લઈ શકશે નહીં. ક્લબે આ બાબતે કોમેન્ટ કરવાનો ઇનકાર કર્યો છે.

• PSL માં નવાઝનું પ્રદર્શન નિરાશાજનક
  નવાઝ હાલમાં પાકિસ્તાન સુપર લીગ 2026 માં મુલતાન સુલ્તાન્સ માટે રમી રહ્યો છે. તેને  8 મેચોમાં 4 ઇનિંગ્સમાં માત્ર 36 રન બનાવ્યા છે. જેમાં તેને 6 વિકેટ જ લીધી છે, ત્યારે તેની બોલિંગ એવરેજ 32.66 છે અને ઇકોનોમી રેટ 10.88 છે.
  
• મોહમ્મદ નવાઝનું ઇન્ટરનેશનલ કરિયર
  

1. 6 ટેસ્ટ, 144 રન, 16 વિકેટ
2. 44 વનડે, 538 રન, 49 વિકેટ
3. 98 T20I, 911 રન, 101 વિકેટ
   

વધુ વાંચો : અભિષેક શર્માએ 135 રન ફટકારીને બનાવ્યા મોટા રેકોર્ડ, 1 કે 2 નહીં પણ અનેક

ઉલ્લેખનીય છે કે, હવે બધાની નજર હવે PCBની તપાસ પર છે, જે આ કેસમાં આગળના પગલાં નક્કી કરશે. જો ડ્રગ્સના આરોપો સાબિત થાય છે તો નવાઝને કડક સજાનો સામનો કરવો પડી શકે છે, જે તેના ઇન્ટરનેશનલ કરિયરને ખરાબ રીતે અસર કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ