સહરાનીય / ‘The Kerala Story' ફિલ્મ જોનાર મહિલાઓ પાસેથી આ ઓટો ચાલક નહીં લે પૈસા, પોસ્ટર કર્યું વાયરલ

• 'ધ કેરલા સ્ટોરી' શરૂઆતના દિવસે જ સારું કલેક્શન કર્યું હતું
• ફિલ્મ જોવા જનારાઓ માટે ઓટો ડ્રાઈવરોએ ફ્રી રાઈડ્સની જાહેરાત કરી
• ફિલ્મ જોવા જનાર પ્રથમ દસ મહિલાઓની ટિકિટ પણ ખરીદશે

ફિલ્મ નિર્દેશક સુદીપ્તો સેન અને નિર્માતા વિપુલ અમૃતલાલ શાહની સત્ય ઘટનાઓ પર આધારિત ફિલ્મ 'ધ કેરલા સ્ટોરી' 5 મેના રોજ સિનેમાઘરોમાં રિલીઝ થઈ છે. નોંધનીય છે કે ટ્રેલર રિલીઝ થયું ત્યારથી જ આ ફિલ્મ વિવાદોમાં ફસાયેલી છે એ છતાં પણ ફિલ્મે બોક્સ ઓફિસ પર શરૂઆતના દિવસે જ સારું કલેક્શન કર્યું હતું. આ દરમિયાન એક ઓટો ડ્રાઈવરનો ફોટો વાયરલ થઈ રહ્યો છે, જેણે આ ફિલ્મો જોવા જઈ રહેલા લોકોને ફ્રી રાઈડની ઓફર કરી છે. જાણો શું છે સમગ્ર મામલો.. 

મોટાભાગના લોકો દાવો કરી રહ્યા છે કે આ ફિલ્મ પણ કાશ્મીર ફાઇલ્સની જેમ સુપરહિટ સાબિત થઈ શકે છે. આ ફિલ્મ કથિત રીતે 32,000 ગુમ થયેલી છોકરીઓની વાર્તા વર્ણવે છે જેમનું બ્રેઈનવોશ કરવામાં આવ્યું હતું અને પછી તેઓને ઈસ્લામ કબૂલ કરવા દબાણ કરવામાં આવ્યું હતું. અંતે તેઓને ISISના આતંકવાદી બનાવવામાં આવે છે. આ દરમિયાન એક ઓટો ડ્રાઈવરનો ફોટો ઝડપથી વાયરલ થઈ રહ્યો છે. ધ કેરલા સ્ટોરી ફિલ્મ જોવા જનારાઓ માટે ઓટો ડ્રાઈવરોએ ફ્રી રાઈડ્સની જાહેરાત કરી છે. વાસ્તવમાં આ ઓટો ડ્રાઈવરે તેની ઓટો પાછળ તેનું બેનર પણ લગાવ્યું છે.

मेरा प्रणाम है ऐसे देश भक्तों को.🙏🏻

भाई टैम्पो चालक है और इन्होंने कहा है कि फिल्म "The Kerala Story" जो भी देखने जाएंगे उनसे यह टैम्पो का किराया नहीं लेंगे!

साथ ही जो पहली 10 महिला फिल्म देखने जाएगी उनके टिकट का भी प्रबंध यही करेंगे!

👉 सनातनी मित्रों एक धन्यवाद तो बनता है! pic.twitter.com/yTY5pAKoS7

— Abhishek Kumar Kushwaha (@TheAbhishek_IND) May 2, 2023

આ બેનરમાં લખવામાં આવ્યું છે કે ફિલ્મ 'ધ કેરલા સ્ટોરી' જોવા જનારા લોકો માટે તેમની ઓટો બિલકુલ ફ્રી છે. આ સાથે તેણે આ બેનરમાં એમ પણ લખ્યું છે કે તે પોતાની ઓટોમાં ફિલ્મ જોવા જનાર પ્રથમ દસ મહિલાઓની ટિકિટ પણ ખરીદશે.

હાલ આ ફોટો સોશિયલ મીડિયા પર ખૂબ વાયરલ થઈ રહ્યો છે અને છે સોશિયલ મીડિયા પર આ ઓટો ડ્રાઈવરની ખૂબ પ્રશંસા થઈ રહી છે. આ સાથે જ વાયરલ ફોટો મુંબઈનો જણાવવામાં આવી રહ્યો છે.

ફિલ્મની કમાણી વિશે વાત કરીએ તો રિપોર્ટના આધાર પર ધ કેરલા સ્ટોરીએ પહેલા દિવસે 7.50 કરોડનું કલેક્શન કર્યું છે. જોકે આ અર્લી ટ્રેન્ડ્સના આંકડા છે. ઓફિશ્યલ આંકડા તેનાથી વધારે પણ હોઈ શકે છે.