ઍલર્ટ! / સાચવજો! હેલ્ધી કહેવાતી આ ચીજવસ્તુઓ જ ક્યાંક નુકસાનકારક સાબિત ના થાય, ભૂલથી પણ ન કરતા આવી ભૂલો

• લોકો શાકભાજી અને ફળનું સેવન કરતી વખતે લોકો આ ભૂલ કરે 
• જેને હેલ્ધી ગણો છો એ વસ્તુઓ ક્યાંક નુકસાન ન કરે
• ટામેટાંનાં પાન ભૂલથી પણ ન ખાવાં જોઈએ

તમને જો ક્યારેક જાણ થાય કે જે વસ્તુઓ તમે રોજ હેલ્ધી સમજીને ખાઓ છો તે તમારા સ્વાસ્થ્ય માટે હાનિકારક છે તો? હા, ખરેખર કેટલીક એવી ભૂલો લોકો શાકભાજી અને ફળનું સેવન કરતી વખતે કરતા હોય છે. જાણો શું છે તમારી ભૂલો...

- બટાકાઃ બટાકા મોટા ભાગે દરેક શાકભાજીમાં નાખવામાં આવે છે. શું તમે જાણો છો કે બટાકાનો ઉપયોગ ત્યારે જ કરી શકાય છે, જ્યારે તેનો રંગ લીલો ન હોય. લીલા રંગના બટાકામાં ગ્લાઇકોલ કેલોએડ નામનો વિષયુક્ત પદાર્થ હોય છે, જે આપણા શરીરને નુકસાન પહોંચાડે છે. આ સિવાય અંકુરિત બટાકા ખાવાથી પણ બચવું જોઈએ, નહીંતર ઊલટી અને ઝાડા જેવી સમસ્યાઓ થઈ શકે છે
- બદામઃ કડવી બદામમાં સાઈનાઇડ જેવા ઝેરીલા પદાર્થ હોઈ શકે છે. સંશોધન જણાવે છે કે આ પ્રકારની બદામનું વધારે સેવન તમને મૃત્યુના મુખમાં ધકેલી શકે છે. કડવી બદામનું સેવન ન કરવું જોઈએ
- ચેરીઃ ચેરી પીળા અને લાલ જેવા જુદા જુદા રંગમાં મળે છે, તેમાં વિટામિન્સ અને મિનરલ્સ ભરપૂર માત્રમાં મળે છે. તેનું સેવન કરવાથી વજન ઘટાડી શકાય છે પણ સ્વાસ્થ્યની દૃષ્ટિએ વરદાન માનવામાં આવતી ચેરીનાં બી એટલાં જ જોખમકારક હોય છે. આમાં હાઇડ્રોજન સાઈનાઇડ હોય છે, જેનું સેવન સ્વાસ્થ્ય માટે હાનિકારક 
હોય છે.

- ટામેટાંઃ ટામેટાં ખાવાં એ સ્વાસ્થ્ય માટે ફાયદાકારક માનવામાં આવે છે પણ તેનાં પાનનું સેવન એટલું જ જોખમકારક હોય છે. આમાં ઝેરીલો પદાર્થ હોય છે. ટામેટાંનાં પાન ભૂલથી પણ ન ખાવાં જોઈએ
- મશરૂમઃ મશરૂમ આપણા સ્વાસ્થ્ય માટે પણ અનેક રીતે લાભદાયક હોય છે, પરંતુ મશરૂમની કેટલીક પ્રજાતિઓ આપણા સ્વાસ્થ્ય માટે હાનિકારક હોય છે, માટે જ્યારે પણ મશરૂમ ખાઓ ત્યારે તેની ગુણવત્તા તપાસવી ખૂબ જ જરૂરી છે.