દર્શન / આ પાંચ લોકોએ હોળિકા દહનના દર્શન ભૂલથી પણ ન કરવા, નહીંતર સંબંધોમાં આવશે કડવાશ

હોળીનો તહેવાર એ અનિષ્ટ પર સારાની જીતનો તહેવાર છે. તે પ્રેમ, ભાઈચારા અને આનંદનો તહેવાર પણ છે. હોલિકા દહન દર વર્ષે ફાલ્ગુન માસની પૂર્ણિમાની તારીખે કરવામાં આવે છે. હોળી અને ધુળેટી એટલે રંગોનો તહેવાર છે. આજે હોળીકા દહન થશે. જ્યોતિષાચાર્ય અનુસાર ફાગણ માસની પુનમે રાત્રે નક્કી મુર્હૂતમાં હોળી પ્રગટાવવામાં આવે છે.  પરંતુ પાંચ વ્યક્તિ જેમણે હોળિકા દહનના દર્શન ન કરવા જોઇએ તેવી માન્યતા છે. માન્યતા જોઇએ તો હોળીની અગ્નિ કોને ન જોવી જોઈએ તમે પણ જાણો.

1. લગ્નના પહેલા વર્ષે નવવધુએ સાસરીમાં પહેલી હોળી મનાવવી ના જોઇએ. નવવધુએ પહેલી હોળી પીયરમાં જ મનાવવી જોઇએ. હોળિકા જ્યારે અગ્નીમાં રાખ થયા તેના આગળના દિવસે તેના લગ્ન ઇલોજીથી થવાના હતા. ઇલોજીની મા જ્યારે દિકરાની જાન લઇને પહોચી ત્યારે તેમણે હોળિકાની ચિંતા જોતા પ્રાણનો ત્યાગ કર્યો હતો. ત્યારથી આ પ્રથા ચાલી આવે છે કે નવવધુએ સાસરીમાં પહેલી હોળી ન જોવી જોઇએ. જેને લીધે હોળીના તહેવારના કેટલાક દિવસો પહેલા તેને પિયરમાં બોલાવી લેવામાં આવે છે.

2. કહેવાય છે કે  સાસુ-વહૂએ એક સાથે મળીને હોળિકા દહન ન જોવુ જોઈએ. સાથે જોવે તો બંનેના સંબંધોમાં કડવાસ, મતભેદ આવી શકે છે.

3. એકમાત્ર સંતાનના માતા-પિતાએ પણ હોળિકા દહન જોવું ન જોઇએ. એવું એટલા માટે કેમ કે પ્રહલાદ પણ હિરણ્યકશ્યપ-કયાધુના એકમાત્ર સંતાન હતા

4. ગર્ભવતી મહિલાઓએ પણ હોળિકા દહન જોવાથી બચવું જોઇએ. તેમના માટે હોળીકાની પરિક્રમા કરવું અશુભ માનવામાં આવે છે.

5. નવજાત બાળકોએ પણ હોળિકા દહનથી દૂર રહેવું જોઇએ. કહેવાય છે કે બાળકો પર તેનાથી નકારાત્મક અને અશુભ અસર પડે છે.