માન્યતા / સૂર્યાસ્ત બાદ આ કામ કરવાનું ટાળજો, નહી તો આવી પડશે આર્થિક સંકટ

• સૂર્યાસ્ત બાદ આ કાર્યો ન કરો
• સ્વાસ્થ્ય સારુ રાખવા આ ખાસ અજમાવો
• શાસ્ત્રોમાં સૂર્યાસ્ત બાદ કેટલાક કાર્ય કરવા છે નુકસાની

સૂર્યાસ્ત અને સૂર્યોદય. આ બંને સમયનું ખાસ મહત્વ છે. શાસ્ત્રોમાં જણાવ્યાનુસાર સૂર્યોદય સમયે કેટલાક કાર્ય કરવાથી પુણ્ય મળે છે, મુશ્કેલીઓમાંથી મુક્ત થવાય છે. તેમાં પણ સ્વાસ્થ્યને લગતી સમસ્યાઓ માટે કેટલાક કાર્યો તમે કયા સમયે કરો છો તેનું શાસ્ત્રોમાં ખૂબ મહત્વ છે.  ત્યારે સૂર્યાસ્ત  બાદ કેવા કામો કરવાથી બચવું જોઇએ, આવો જાણીએ.

અંતિમ સંસ્કાર

ગરુડ પુરાણ અનુસાર, સૂર્યાસ્ત પછી અંતિમ સંસ્કાર કરવાની મનાઈ છે. જે લોકોના સૂર્યાસ્ત પછી અંતિમ સંસ્કાર કરવામાં આવે છે તેઓના મૃત્યુ પછીના જીવનમાં દુઃખ ભોગવવું પડે છે. સાથે જ આગળના જન્મમાં જન્મ લેતા કોઇ અંગમાં ખામી રહી જાય છે.  આવી સ્થિતિમાં સૂર્યાસ્ત પછી અંતિમ સંસ્કાર ન કરવા જોઈએ.

વાળ ન કાપવા 

આજકાલ લોકો પાસે સમય નથી. જ્યારે સમય મળે ત્યારે સલૂનમાં પહોંચી જાય છે. પરંતુ  શાસ્ત્રો અનુસાર સૂર્યાસ્ત પછી વાળ, નખ અને દાઢી ન કાપવા જોઈએ. એવું માનવામાં આવે છે કે આમ કરવાથી દેવું વધી જાય છે.

ફુલ છોડને પાણી આપો 

ધાર્મિક માન્યતાઓ અનુસાર, સૂર્યાસ્ત પછી ઝાડ અને છોડને પાણી આપવું, ઝાડ અને છોડને સ્પર્શ કરવો અથવા તેના પાંદડા તોડવું સારું નથી. એવું માનવામાં આવે છે કે સૂર્યાસ્ત પછી, વૃક્ષો અને છોડ સૂઈ જાય છે. તેમાં પણ ખાસ કરીને  સૂર્યાસ્ત પછી તુલસીના છોડને સ્પર્શ ન કરવો જોઈએ.

ન્હાવુ ન જોઇએ

કેટલાક લોકો બે વાર સ્નાન કરે છે. સૂર્યોદય પછી અને સૂર્યાસ્ત પછી. શાસ્ત્રો અનુસાર, જો તમે સૂર્યાસ્ત પછી સ્નાન કરો છો, તો તમારા કપાળ પર ચંદન ન લગાવો. સૂર્યાસ્ત પછી સ્નાન કરવાથી જીવનમાં દુર્ભાગ્ય આવે છે.

દહીં ન ખાવું 

પુરાણો અનુસાર સૂર્યાસ્ત પછી દહીં ન ખાવું જોઈએ. હકીકતમાં, સૂર્યાસ્ત પછી દહીંનું સેવન કરવાથી સ્વાસ્થ્ય સંબંધિત સમસ્યાઓ થઈ શકે છે.