પૂર્વતૈયારી / ગુજરાત કોંગ્રેસના આ 4 દિગ્ગજ નેતાઓ નહીં લડે ચૂંટણી, સંભાળશે પ્રચારની કમાન, જાણો કોણ-કોણ

• ગુજરાત કોંગ્રેસના 4 દિગ્ગ્જ નેતાઓ નહિ લડે ચૂંટણી
• ગુજરાત પ્રદેશ કોંગ્રેસના પ્રમુખ જગદીશ ઠાકોર નહિ લડે ચૂંટણી
• ભરતસિંહ સોલંકી, શક્તિસિંહ ગોહિલ, સિદ્ધાર્થ પટેલ પણ નહિ લડે ચૂંટણી  
• આ તમામ નેતાઓ સંભાળશે પ્રચારની કમાન 

આજે સંભવિત રીતે ગુજરાત ચૂંટણીની જાહેરાત થઈ શકે છે. તેવામાં હવે ગુજરાત કોંગ્રેસને લઈ એક મોટા સમાચાર સામે આવ્યા છે. વાત જાણે એમ છે કે, ગુજરાત કોંગ્રેસના 4 દિગ્ગ્જ નેતાઓ ચૂંટણી નહિ લડે. જોકે આ તમામ નેતાઓ પ્રચારની કમાન સંભાળશે. વિગતો મુજબ ગુજરાત પ્રદેશ કોંગ્રેસના પ્રમુખ જગદીશ ઠાકોર ચૂંટણી નહિ લડે. 

ગુજરાત વિધાનસભાની ચૂંટણી ગમે તે ઘડીએ જાહેર થઈ શકે છે. આ તરફ ભાજપ-કોંગ્રેસ અને આપ પણ મેદાને પડ્યા છે. તેવામાં કોંગ્રેસને લઈ એક મોટા સમાચાર સામે આવ્યા છે. કોંગ્રેસ પ્રદેશ પ્રમુખ જગદીશ ઠાકોર, ભરતસિંહ સોલંકી, શક્તિસિંહ ગોહિલ અને સિદ્ધાર્થ પટેલ આ વખતે ચૂંટણી નહીં લડે તેવી વિગતો સામે આવી છે. આ તમામ નેતાઓ ચૂંટણીની પૂર્વતૈયારીના ભાગરૂપે પ્રચારની કમાન સંભાળશે. 

આજે ગુજરાતની ચૂંટણી તારીખોની સતાવાર થશે જાહેરાત 

છેલ્લા કેટલાય દિવસોથી જેની રાહ જોવાઇ રહી હતી તેનો કદાચ આજે અંત આવી શકે છે. એટલે કે આજ રોજ ગુજરાત વિધાનસભાની ચૂંટણીની તારીખો જાહેર થઇ શકે છે. આજે બપોરના 12 વાગ્યે ચૂંટણીપંચ પત્રકાર પરિષદ યોજી ચૂંટણીની તારીખો જાહેર કરી શકે છે. દિલ્હી ખાતે ચૂંટણીપંચ પત્રકાર પરિષદમાં વિધાનસભા ચૂંટણીની તારીખો જાહેર કરશે. તમને જણાવી દઇએ કે, ગુજરાતની ચૂંટણી 2 તબક્કામાં યોજાઈ શકે છે. જ્યારે ડિસેમ્બરના અંત સુધીમાં ચૂંટણી પ્રક્રિયા પૂર્ણ થઇ શકે છે.