- યુપીના ગાઝિયાબાદમાં યુવકે ગળેફાંસો ખાઈ આત્મહત્યા કરી
- છેલ્લી વખત મોઢું તો બતાવ જો સોનું તો ચાલ્યો, વીડિયો રેકોર્ડ શરૂ રાખ્યું
- હચમચાવી નાખે તેવા ખુલાસા કર્યા
ઉત્તર પ્રદેશના ગાઝિયાબાદમા એક યુવકે ગળેફાંસો લગાવી આપઘાત કરી લેતા ભારે ચર્ચા જાગી છે. એટલું જ નહિ યુવકે આપઘાત કરતા પહેલા સ્યુસાઈડ વીડિયો પણ બનાવ્યો હતો જે હાલ સોશ્યિલ મીડિયામા ખુબ જ વાયરલ થઇ રહ્યો છે. આ વીડિયોમાં યુવકે તેની પત્ની પર ગંભીર આક્ષેપ લગાવ્યા હતા, જેમાં સાસરિયા પક્ષ દ્વારા હેરાનગતિ કરાતી હોવાના પણ આક્ષેપ લગાવ્યા હતા.
કવિનગરના ગોવિંદાપુરમાની ઘટના
ગાઝિયાબાદમા કવિનગરના ગોવિંદાપુરમા આ ઘટના બની છે, જેમાં જોગેન્દ્ર નામના યુવકે આપઘાત કરી લીધો છે. જોગેન્દ્રના લગ્ન 4 વર્ષ પહેલા બુલંદશહરની અંજુ સાથે થયાં હતા. જો કે ઝઘડા બાદ અંજુ બાળકોને લઈને તેના પિતાના ઘરે જતી રહી હતી. એટલું જ નહિ અંજુના ભાઈએ જોગેન્દ્રને એવુ પણ કહ્યું કે તે અંજુના બીજા લગ્ન કરાવી દેશે. આ વાત લાગી આવતા જોગેન્દ્રએ 23 સપ્ટેમ્બરના રોજ પોતાના ઘરે ફાંસી લગાવી લીધી હતી.
વીડિયોમાં પત્ની માટે આપ્યો મેસેજ
આપઘાત કરનાર જોગેન્દ્રએ ફાંસો લગાવતા પહેલા મોબાઈલમા એક વીડિયો બનાવ્યો હતો જેમાં તે પોતાની પત્નીને અંજુને કહે છે કે આ મેસેજ તારા માટે છે, લવ યુ, આરામ કરો, આજે છેલ્લી વાર મારો ચહેરો જોઈ લો, તારા ઘરના કહેતા હતા કે અંજુના બીજા લગ્ન કરાવશે, હવે કરી લેજે, આવજો, તારી સંભાળ રાખજો, મરાથી જો કોઈ ભૂલ થઇ હોઈ તો માફ કરજો.
વીડિયોમાં જોગેન્દ્ર ફાંસી માટે તૈયાર કરેલો ફંદો પણ બતાવતો નજરે લડી રહ્યો છે. સમગ્ર ઘટનાનો 1 મિનિટ 45 સેકન્ડનો આ વિડિઓ સોશ્યિલ મીડિયામા વાયરલ થઇ રહ્યો છે. તો બીજી બાજુ પોલીસે અંજુ અને તેના પરિવારજનો વિરુદ્ધ ફરિયાદ દાખલ કરી વધુ કાર્યવાહી હાથ ધરી છે. સમગ્ર બનાવમા આઈપીસીની 306 કલમ અંતર્ગત ગુનો દાખલ કર્યો છે, જેમાં આત્મહત્યાં માટે ઉશકેરવાની કલમ લગાવવામા આવી છે.જોગેન્દ્રએ 23 સપ્ટેમ્બરના રોજ જ ગળે ફાંસો ખાઈને આપઘાત કર્યો હતો, જો કે સોશ્યિલ મીડિયામા વીડિયો ખુબ જ વાયરલ થઇ રહ્યો છે. આ વીડિયોએ ઈન્ટરનેટ પર ખુબ જ ચર્ચા જગાવી છે..
