એવા સમય ચાલી રહ્યો છે કે દુનિયાભરમાં લોકો કોરોના વાયરસના ભયમાં છે. અને દુનિયાભરની મોટી ઇવેન્ટસ અને ટુર્નામેન્ટ કેન્સલ થઈ રહી છે ત્યારે હજુ પાકિસ્તાન સુપર લીગ યથાવત છે. જો કે પીએસએલની દરેક મેચ અત્યારે વગર દર્શકોએ થઈ રહી છે.
ક્રિસ લિને મુલ્તાન સુલ્તાન્સના પરસેવા છોડ્યા
20 બોલમાં 96 રન બનાવ્યા
મેચ રમી ક્રિકેટર ઓસ્ટ્રેલિયા પરત ફર્યો
પાકિસ્તાન સુપર લીગમાં રવિવારે રમવામાં આવેલી મેચમાં મુલ્તાન સુલ્તાન્સ અને લાહોર કલંદર્સ વચ્ચે જંગી મેચ થઈ હતી. મુલ્તાન સુલ્તાંસે પ્રથમ બેટિંગ કરી 186 રન બનાવ્યા અને 187નો જંગી ટાર્ગેટ આપ્યો હતો. અને આ ટાર્ગેટને લાહોર કલંદર્સએ 18.5 ઓવરમાં 1 વિકેટના નુકશાને જ પૂરો કરી દીધો.
લાહોર કલંદર્સના ઓપનર અને ઓસ્ટ્રેલિયાના બેટ્સમેન ક્રિસ લિનનું મેચ જીતાડવામાં મહત્વનું યોગદાન છે. તેમણે 55 બોલમાં 113 રન બનાવ્યા અને 12 ચોક્કા અને 8 છક્કા સાથે 96 રનનો માત્ર 20 બોલમાં જ બનાવી દીધાઆ સાથે જ સાથી ઓપનર ફખર જમાંએ 35 બોલમાં 7 ચોક્કા અને 2 છક્કા સાથે 57 રન બનાવ્યા.
મુલ્તાન સુલતાંસ વિરુદ્ધ પોતાની વિજયી મેચ રમ્યા બાદ ક્રિસ લિન જાણકારી આપી કે તે ઓસ્ટ્રેલિયા પરત ફરી રહ્યાં છે. અને લિને ઈંસ્ટાગ્રામ પર લખ્યું કે 'મેં પાકિસ્તાન સુપર લીગની સંપૂર્ણપણે મજા લીધી. અને દુર્ભાગ્યથી સમયને ધ્યાનમાં રાખીને ઓસ્ટ્રેલિયા પરત ફરવાનો નિર્ણય કર્યો છે. મેં હંમેશા કહ્યું છે કે જિંદગી ક્રિકેટથી મોટી છે. અને આ એક એવો જ મામલો છે. મને પૂરો વિશ્વાસ છે કે લાહોર કલંદર્સ કપ સુધી પહોચશે.