સુવિધા / હવે તમારા ઘરની નજીક જ મળી જશે શાકભાજી : અમદાવાદમાં ઠેર ઠેર કરોડોના ખર્ચે માર્કેટ બનાવશે તંત્ર, જુઓ આખું લિસ્ટ

• અમદાવાદ શહેરમાં 6 સ્થળે શાકભાજી બજાર બનશે
• રોડ એન્ડ બિલ્ડિંગ કમિટીએ દરખાસ્ત કરી મંજૂર
• રૂ.15 કરોડના ખર્ચે 845 થડા બનશે
• ટ્રાફિકની સમસ્યા દૂર થશે 
• લોકોને ઘરની નજીક શાકભાજી મળશે

Ahmedabad Vegetable Market : અમદાવાદીઓ માટે એક મોટા સમાચાર સામે આવ્યા છે. વાત જાણે એમ છે કે, અમદાવાદ શહેરમાં 15 કરોડના ખર્ચે 6 સ્થળે શાકભાજી બજાર બનશે. શાકભાજી બજાર બનાવવાની દરખાસ્તને રોડ એન્ડ બિલ્ડિંગ કમિટીએ મંજૂરી આપી છે. જેથી હવે અમદાવાદના અલગ-અલગ વિસ્તારોમાં શાકભાજી માર્કેટ બનશે. મહત્વનું છે કે, નવા બજાર બનતા લોકોને ઘરની નજીક શાકભાજી મળી રહેશે.

મેટ્રો સિટી અમદાવાદ શહેરમાં 6 સ્થળે શાકભાજી બજાર બનશે. રોડ એન્ડ બિલ્ડિંગ કમિટીએ શાકભાજી બજાર બનાવવાની દરખાસ્તને મંજૂરી પણ આપી દીધી છે. મહત્વનું છે કે, શાકભાજી બજાર બનવાને કારણે લોકોને ઘરની નજીક શાકભાજી મળી રહેશે તો ટ્રાફિકની સમસ્યાઓ પણ દૂર થશે. આ સાથે શહેરમાં વેન્ડર પોલિસીનો પણ અમલ થશે. 

ક્યાં-ક્યાં બનશે શાકભાજી બજાર ? 
વિગતો મુજબ અમદાવાદના ઓઢવમાં વિમલ પાર્ક પાસે, ગોતામાં ડમરું સર્કલ નજીક શાકભાજી બજાર બનશે. ચાંદખેડામાં સોના ક્રોસ રોડ, વેજલપુરમાં મેથાન્સ ફ્લેટની સામે બજાર બનશે તો સાબરમતીમાં મોટેરા રોડ પર  અને નરોડામાં ઓમનિયમ સ્ક્વેર સામે બજાર બનશે. મહત્વનું છે કે, કુલ 15 કરોડના ખર્ચે આ કામગીરી કરવામાં આવશે.