મહેસાણા / કડીમાં 4થા ધોરણની બાળકીને વાંચવા બોલાવીને કર્યા અડપલા, રાતે દુખાવો ઉપડતાં કરી જાણ, મચ્યો હડકંપ

• કડી તાલુકમાં શિષ્ય અને ગુરુના સબંધો પર લાંછન 
• સરકારી શાળાના લંપટ આચાર્યની કાળી કરતૂત સામે આવી 
• ચોથા ધોરણમાં ભણતી બાળકી સાથે શારીરિક અડપલાં 

શિક્ષકને ગુરૂનું સ્થાને આવ્યું છે પરંતુ અહી શાળાના એક આચાર્યએ શિષ્ય અને ગુરુના સબંધો પર લાંછન લગાવ્યું છે. મહેસાણાના જિલ્લાના કડી તાલુકાના એક ગામમાં સરકારી શાળામાં લંપટ આચાર્યની કરતૂત સામે આવી છે. શાળાના પ્રિન્સિપાલે ચોથા ધોરણમાં ભણતી બાળકી સાથે શારીરિક અડપલાં કર્યા છે. પ્રિન્સિપાલે બાળકીને વાંચન માટે બોલાવી શારીરિક અડપલાં કર્યા હતા. આ મામલે બાળકીએ ઘરે જઈ વાત કરતા પરિવારે શિક્ષક વિરુદ્ધ પોલીસ ફરિયાદ નોંધાવી છે.

શારીરિક અડપલાં કર્યા 
શાળાએ સરસ્વતીનું ધામ કહેવાય છે. પરંતુ અહીં શાળાના એક પ્રિન્સિપાલે શિષ્ય અને ગુરુના સબંધો પર લાંછન લગાવ્યું છે. મહેસાણાના કડી તાલુકાના એક ગામમાં આવેલી સરકારી શાળામાં અરવિંદ પટેલ નામના લંપટ પ્રિન્સિપાલની કરતૂત સામે આવી છે. શાળાના પ્રિન્સિપાલે ચોથા ધોરણમાં ભણતી બાળકીને શારીરિક અડપલાં કર્યા છે. બાળકીને રાત્રીના સમયે પેટમાં દુખતા બાળકીએ તેના માતા-પિતાને જાણ કરી હતી. જેને લઇ સારવાર માટે હોસ્પિટલ ખસેડવામાં આવી હતી. ત્યારબાદ સમગ્ર બાબતનો ખુલાસો થયો હતો. પ્રિન્સિપાલની કરતૂત બાબતે બાળકીએ માતા-પિતાને જણાવાતા સમગ્ર બાબત પ્રકાશમાં આવી હતી.

ગ્રામજનોમાં પણ હડકંપ મચ્યો
ચોથા ધોરણમાં ભણતી બાળકીને વાંચનના બહાને અરવિંદ પટેલ નામના શિક્ષકે બોલાવી શારીરિક અડપલાં કર્યા હતા. જે ઘટના પ્રકાશમાં આવતા હડકંપ મચી ગયો હતો. જોકે આ બાબતે બાળકીના વાલી દ્વારા પોલીસ ફરિયાદ નોંધાવતા પોલીસે આરોપી પ્રિન્સિપલની ધરપકડ કરી છે. તેમજ વધુ તપાસ પણ હાથ ધરી છે. આ શિક્ષક છેલ્લા 10 વર્ષથી ગામની શાળામાં અભ્યાસ કરાવતો હતો. ગામલોકોને પણ શિક્ષક ઉપર સંપૂર્ણ ભરોસો હતો. જો કે આ ઘટના બાદ ગ્રામજનોમાં પણ હડકંપ મચ્યો છે. શિક્ષકને શિક્ષણ વિભાગ દ્વારા પણ સસ્પેન્ડ કરવાની કાર્યવાહી હાથ ધરાઈ છે