વાહ / 12 માં ઘોરણમાં ભણતા છોકરાએ એવું કામ કર્યું કે જાણીને થશે ગર્વ

• માત્ર 17 વર્ષની વયે લખી નવલકથા
• ઇન્ડિયા બુક ઓફ રેકોર્ડમાં મળ્યું સ્થાન

‘ધ વન ટુ સ્ટુડ બાય માય સાઇડ’ નવલકથા લખીને વેદાંતે સૌથી નાની ઉમંરના લેખક તરીકેનો રેકોર્ડ નોધાવ્યો છે. એટલુ જ નહીં પરંતુ આ પુસ્તકને જાતે જ પબ્લીશ કરી સૌથી નાની ઉંમરના પબ્લીકેશન હાઉસના સીઇઓ તરીકે પણ સન્નમાન મેળવ્યુ છે. 

ઇન્ડિયા બુક ઓફ રેકોર્ડમાં મળ્યું સ્થાન

આ નવલકથાએ ઇન્ડિયા બુક ઓફ રેકોર્ડમાં સ્થાન કેવી રીતે પ્રાપ્ત કર્યુ તે પ્રશ્ન સહજ છે. પુસ્તકનું હાર્દ માતા અને સંતાનનો સબંધ છે. દિકરાનું બ્રેઇન ડેડ થાય છે એટલે કે તે કોમાંમાં ચાલ્યો જાય છે, તે સમયે તેને સ્વપ્ન આવે છે. જેમાં તેને બાળપણથી લઇને યુવા અવસ્થા સુધીમાં માતા સાથે વિતાવેલા દરેક દિવસની સુંદર યાદો દ્ધષ્ટિમાન થાય છે. 

12 માં ધોરણમાં અભ્યાસ કરતા બાળકે લખી નવલકથા 

માતા અને સંતાન વચ્ચેના આટલા સુમધુર સબંધને નવલકથાનું સ્વરૂપ આપનાર વેદાંત માત્ર 17 વર્ષનો ધોરણ 12 માં અભ્યાસ કરતો વિદ્યાર્થી છે. નવલકથા લખવા માટે આ વિષય પસંદ કરવા પાછળનું કારણ આપતા વેદાંત કહે છે, “મે હંમેશા જાયુ છે કે આપણા સમાજમાં મોટાભાગે માતાને તુ..તારી કહીને જ વાત કરવામાં આવે છે. ‘મમ્મી તને કશી ખબર ના પડે’ કે પછી ‘મમ્મી તારી સાથે તો વાત કરવી જ નકામી છે.

’ જેવા શબ્દો વારંવાર સંતાનો ઉપયોગ કરતા હોય છે. માટે મને વિચાર આવ્યો કે માતા અને સંતાનના સાચા સબંધને દર્શાવતી પુસ્તક લખી શકુ તો ઘણું સારૂ. મારા જીવનમાં પણ મારી માતાની ભૂમિકા સવિશેષ છે.” વેદાંતે અંગ્રેજીમાં લખેલી નોવલ આજની જનરેશન માટે પ્રેરણારૂપ છે. જે સાચા અર્થમાં માતૃદેવો ભવઃ ને સાર્થક કરે છે.