OMG! / એક સિક્કો શોધવા મોદી સરકારે CBIને સ્વિટ્ઝરલેન્ડ મોકલી, કિંમત 100 કરોડથી પણ વધારે

• એક સોનાનો સિક્કો છે જે છેલ્લી વખત વર્ષ 1987માં હૈદરાબાદમાં જોવા મળ્યો હતો
• તુજુક-એ-જહાંગીરમાં એક 12 કિલાના સિક્કાનો ઉલ્લેખ કર્યો છે
• 12 કિલોના બે સોનાના સિક્કા બનાવ્યા હતા જેમાંથી એક યાદગાર અલીને આપવામાં આવ્યો હતો

સીબીઆઇનું નામ હંમેશા ક્રાઇમ કે કોઈ ગુનાની જાંચની ખબરો સાથે સાંભવળવામાં આવ્યું હશે. પણ આ વખતે એક સિક્કાના શોધખોળની જવાબદારી સીબીઆઇના માથે આવી છે. આ સિક્કો કોઈ સામાન્ય સિક્કો નથી. આ એક સોનાનો સિક્કો છે જે છેલ્લી વખત વર્ષ 1987માં હૈદરાબાદમાં જોવા મળ્યો હતો. એ પછી સ્વિટ્ઝર્લૅન્ડમાં આ સિક્કાની નીલામી થઈ એવા સમાચાર સામે આવ્યા હતા. આ સોનાનો સિક્કો કોઈ સામાન્ય સિક્કો નથી. આ સિક્કાની કિંમત 126 કરોડ જણાવવામાં આવી રહી છે. શું તમે જાણો છો એવું તો શું છે આ સિક્કામાં? ચાલો આજે અમે તમને આ સિક્કાના ઇતિહાસ વિશે જણાવીએ.  

શું છે આ સિક્કાનો ઇતિહાસ?
જહાંગીરે તુજુક-એ-જહાંગીરમાં એક 12 કિલાના સિક્કાનો ઉલ્લેખ કર્યો છે. જો કે જહાંગીરે આ 12 કિલોનો સિક્કો ઈરાની રાજપૂત યાદગાર અલીને ભેટમાં આપ્યો હતો. તમને જણાવી દઈએ કે આ ઘટના 410 વર્ષ જૂની છે. યાદગાર અલીએ જણાવ્યું હતું કે એ સિક્કાને આગ્રામ બનાવવામાં આવ્યો હતો અને કારીગરોએ એ સિક્કા પર ફરસીમાં કહેવતો પણ કોતરીને લખી હતી. 

ઘણો ખાસ છે આ સિક્કો 
રિપોર્ટ્સ અનુસાર આ વાત સામે આવી છે કે જહાંગીરે 12 કિલોના બે સોનાના સિક્કા બનાવ્યા હતા જેમાંથી એક યાદગાર અલીને આપવામાં આવ્યો હતો અને બીજો સિક્કો હૈદરાબાદમાં નિઝામને સોંપવામાં આવ્યો હતો. ભારત સરકારને આ સિક્કાની નીલામી વિશે જાણ થઈ ત્યારે એમને સીબીઆઇને તેની શોધખોળ માટે સ્વિટ્ઝર્લૅન્ડ સુધી મોકલી હતી. 

એક વાર ફરી સીબીઆઈએ શોધખોળ શરૂ કરી 
1987માં સ્વિટ્ઝર્લૅન્ડથી સીબીઆઇએ ખાલી હાથ ભારત ફરી હતી. એમને ત્યાં એ સિક્કો મળ્યો નહતો. તમને જણાવી દઈએ કે એ સિક્કાની કિંમત આજે લગભગ 126 કરોડ રૂપિયા છે. સરકારે ફરી એક વખત સિક્કાની શોધ શરૂ કરી છે. જૂન 2022માં સરકારે આ અનોખા સિક્કાની શોધ શરૂ કરવા માટે સીબીઆઇને આદેશ આપ્યો હતો.