તાપમાન / વરસાદ, ઠંડી કે ગરમી? ગુજરાતમાં આગામી 5 દિવસ વાતાવરણ કેવું રહેશે? હવામાન વિભાગે કરી એવરેજ આગાહી

• આગામી 5 દિવસ વાતાવરણ સૂકુ રહેશે 
• આગામી 3 દિવસ તાપમાનમાં ફેરફારની શક્યતા નહી 
• 3 દિવસ બાદ તાપમાનમાં ઘટાડો થશે 

gujarat wethar updated: ગુલાબી ઠંડી વચ્ચે હવામાન વિભાગે ફરી એકવાર રાજ્યના તાપમાનને લઈ આગાહી કરી છે. આગામી 5 દિવસ વાતાવરણ સૂકુ રહેવાની શક્યતાઓ વ્યક્ત કરી છે. આપને જણાવીએ કે, આગામી 3 દિવસ તાપમાનમાં ફેરફાર થવાની શક્યતા નહીવત રહેશે જ્યારે  3 દિવસ બાદ તાપમાનમાં ઘટાડો થઈ શકે. તાપમાન ઘટતા ફરી ઠંડીમાં થશે વધારો

ક્યાં કેટલો તાપમાન ?
હવામાન વિભાગે છેલ્લા 24 કલાકના તાપમાનની વાત કરતા કહ્યું કે, સૌરાષ્ટ્ર રિઝન સામાન્ય વરસાદ થયો છે. દાહોદમાં પણ હળવો વરસાદ વરસ્યો છે. આજે અમદાવાદમાં તાપમાન 27 ડિગ્રી નોંધાયું છે. જ્યારે વડોદરામાં 29 અને સુરતમાં 31.4 જ્યારે રાજકોટમાં 31.6 ડિગ્રી તાપમાન નોંધાયું છે. દ્વારકામાં 27 અને ભૂજમાં 26.2 ડિગ્રી તાપમાન નોંધાયું છે. જ્યારે વેરાવળમાં 30 ડિગ્રી તાપમાન નોંધાયું છે. 

પતંગ રસિયાઓના મનમાં ચિંતા
ઉત્તરાયણને હવે ઝાઝા દિવસો બાકી નથી રહ્યાં. ત્યારે દર વર્ષની જેમ આ વખતે પણ કદાચ પતંગ રસિયાઓના મનમાં એ ચિંતા સતાવતી હશે કે આ વર્ષે ઉત્તરાયણ પર પવન કેવો હશે. કારણ કે દર વર્ષે ઉત્તરાયણના દિવસે સવાર-સવારમાં પવનની ગતિ સારી રહેતી હોય છે પરંતુ બપોર બાદ પવનની ગતિ ઓછી થઈ જતી હોય છે. આથી પતંગ રસિકોની મજા બગડતી હોય છે. ત્યારે તાજેતરમાં જ ઉત્તરાયણના પવનને લઇ અંબાલાલ પટેલે મહત્વની આગાહી કરી છે.

વાંચવા જેવું: ચાર હજારના ડીઝલમાં જે કામ થાય એ 30 રૂપિયામાં થઈ જશે! ગુજરાતમાં ઈલેક્ટ્રિક ટ્રેક્ટરે ઊભું કર્યું આકર્ષણ 

અંબાલાલની આગાહી
અંબાલાલ પટેલે જણાવ્યું કે, અમદાવાદમાં પતંગના રસિકો માટે સારા સમાચાર છે. આ વખતે પવનની ગતિ સારી રહેશે. આ વખતે ઉત્તરાયણ ઉપર વાતાવરણ સાનુકૂળ રહેશે. ઉત્તરાયણના રોજ ઠંડા પવનો ફૂંકાય તેવી શક્યતા જોવા મળી રહી છે.' એટલે કે એમ કહી શકાય કે આ વખતે ઉત્તરાયણ પર સારો એવો પવન રહેવાની શક્યતા છે. અત્રે નોંધનીય છે કે, હાલ સમગ્ર રાજ્ય (Gujarat) માં ઠંડીનું જોર યથાવત છે.  રાજ્યમાં તારીખ 11 જાન્યુઆરીએ ઠંડીનો ચમકારો વધશે.