રહસ્ય..! / 4 દિવસ પૂર્વે કેનેડામાં ગુમ થયેલા મહેસાણાના યુવાનનો મૃતદેહ મળ્યો, પાસપોર્ટ,અને ક્રેડિટકાર્ડ પણ ગાયબ

• કેનેડામાં ગુમ થયેલા મહેસાણાના યુવાનનો મામલો
• 26 વર્ષીય હર્ષ પટેલની મળી આવ્યો મૃતદેહ
• સ્ટુડન્ટ વિઝા પર હર્ષ પટેલ ગયો હતો કેનેડા

 અમેરિકા બાદ કેનેડામાં એક ગુજરાતી યુવક સાથે કોઈ આકસ્મિક બનાવ બન્યો હોવાની જાણ પરિવારજનોને થતા પરિવારજનો પર આભ તૂટી પડ્યું હતું. ત્યારે મૂળ મહેસાણાનો રહેવાસી અને કેનેડા અભ્યાસ અર્થે ગયેલ હર્ષ પટેલ છેલ્લા બે દિવસથી ગુમ હતો.  ત્યારે આજે યુવકનો મૃતદેહ મળી આવતા પરિવારજનોમાં શોકનું મોજું ફરી વળ્યું હતું.

કેનેડામાં ગુમ થયેલા મહેસાણાના યુવકનો મામલો, 26 વર્ષીય હર્ષ પટેલનો તળાવમાંથી મળી આવ્યો મૃતદેહ, હર્ષ પટેલનો પાસપોર્ટ,અને ક્રેડિટ કાર્ડ પણ ગુમ#Canada #Mahesana #HArshpatel #vtvgujarati pic.twitter.com/xUesjbzVU7

— VTV Gujarati News and Beyond (@VtvGujarati) April 18, 2023

બે દિવસ બાદ અચાનક તેની લાશ મળી આવતા પરિવારજનોમાં શોકની લાગણી
મૂળ મહેસાણાનો રહેવાસી અને કેનેડા ખાતે સ્ટુડન્ટ વિઝા પર અભ્યાસ અર્થે ગયેલ હર્ષ પટેલ કેનેડામાં છેલ્લા બે દિવસથી ગુમ હતો. ત્યારે તેનાં પરિવારજનો દ્વારા સગા સબંધીઓ તેમજ તેનાં મિત્રોને ત્યાં પણ પૂછપરછ કરી હતી. પરંતું હર્ષની કોઈ ભાળ મળવા પામી ન હતી.  ત્યારે બે દિવસ બાદ અચાનક જ  આજ રોજ સવારનાં સુમારે અચાનક  ટોરેન્ટોમાંથી તેનો મૃતદેહ મળી આવતા પરિવારજનોમાં શોકનું મોજું ફરી વળ્યું હતું. હર્ષ પાસે રહેલ તેનો પાસપોર્ટ, ક્રેડીટ કાર્ડ તેમજ અન્ય દસ્તાવેજો ગુમ છે. તેનું મૃત્યું કેવી રીતે થયું તે અંગે હજુ કંઈ જાણવા મળ્યું નથી. આ મામલે પોલીસ દ્વારા તપાસ શરૂ કરવામાં આવી છે.