એલર્ટ! / ચીન બાદ વધુ એક દેશે વધારી વિશ્વની ચિંતા, પ્રથમ વાર મનુષ્યમાંથી મળી આવ્યો આ વાયરસ

• સ્વાઈન ફ્લૂના નવા સ્ટ્રેનનો કિસ્સો સામે આવ્યો
• ડુક્કરમાં ફેલાતા વાયરસનો પ્રથમ કેસ મનુષ્યમાં જોવા મળ્યો
• બ્રિટનમાં ડુક્કરના પાલકોને આદેશો પણ જારી કર્યા

swine flu first case: બ્રિટનમાં સ્વાઈન ફ્લૂના નવા સ્ટ્રેનનો કિસ્સો પ્રકાશમાં આવ્યો છે. ડુક્કરમાં જોવા મળતા સ્વાઈન ફ્લૂના આ પ્રકારનો આ પહેલો કિસ્સો મનુષ્યોમાં જોવા મળ્યો છે. યુકે હેલ્થ સિક્યોરિટી એજન્સીનું કહેવું છે કે બ્રિટનમાં પ્રથમ વખત સ્વાઈન ફ્લૂનો એક પ્રકાર માનવમાં જોવા મળ્યો હતો. જે વ્યક્તિને શ્વાસ લેવામાં તકલીફને કારણે તે ટેસ્ટ કરાવવા માટે આવ્યો હતો. તપાસ દરમિયાન વ્યક્તિમાં સ્વાઈન ફ્લૂ સ્ટ્રેન H1N2 હોવાનું જાણવા મળ્યું હતું. 

ડુક્કરમાં ફેલાતો વાયરસ
આ ડુક્કરમાં ફેલાતો વાયરસ છે, પરંતુ મનુષ્યોમાં આનો પહેલો કેસ છે. જો કે હવે આ વ્યક્તિ સંપૂર્ણપણે સ્વસ્થ થઈ ગયો છે પરંતુ તેના પર નજર રાખવામાં આવી રહી છે. યુકેએચએસએના આકસ્મિક નિર્દેશક ડૉ. મીરા ચંદે જણાવ્યું હતું કે આ પહેલીવાર છે જ્યારે અમે બ્રિટનમાં માનવમાં આ વાયરસ શોધી કાઢ્યો છે. તે ડુક્કરમાં જોવા મળતા વાયરસ જેવું જ છે. તેમણે કહ્યું કે નિર્ધારિત પ્રોટોકોલ મુજબ અમે એ જાણવાનો પ્રયાસ કરી રહ્યા છીએ કે વ્યક્તિને આ ચેપ કેવી રીતે લાગ્યો.

વેટરનરી ઓફિસર શુ કહ્યું ?
UKHSAના ચીફ વેટરનરી ઓફિસર ક્રિસ્ટીન મિડલમિસે કહ્યું કે અમે જાણીએ છીએ કે પ્રાણીઓના કેટલાક રોગો માણસોમાં પણ ફેલાઈ શકે છે. અમે વિવિધ વિભાગો સાથે મળીને કામ કરી રહ્યા છીએ. અમે ડુક્કરના પાલકોને આદેશો પણ જારી કર્યા છે કે જો તેમના કોઈપણ ડુક્કરને ફ્લૂ હોય તો અમને તાત્કાલિક જાણ કરે. નિષ્ણાતો કહે છે કે જ્યારે ઈન્ફલ્યુએન્ઝા વાયરસ જે સામાન્ય રીતે ડુક્કરમાં ફેલાય છે તે માણસમાં જોવા મળે છે, ત્યારે તેને વેરિયન્ટ ઈન્ફલ્યુએન્ઝા વાયરસ કહેવામાં આવે છે. H1N1, H1N2 અને H3N2એ ડુક્કરમાં જોવા મળતા મુખ્ય પ્રકારના વાઇરસ છે, જે મનુષ્યોને પણ ચેપ લગાવી શકે છે. કોરોના બાદ ચાઈનીઝ ન્યુમોનિયાથી એલર્ટ ચીનમાં ન્યુમોનિયાને લઈને સરકાર એલર્ટ પર છે. ચેપ અને ચેપી રોગ વ્યવસ્થાપન સમિતિના નિષ્ણાતો ચીનમાં H9 N2 નામના ચેપી વાયરસથી થતા ન્યુમોનિયાના વધતા કારણને લઈને સતત સક્રિય છે. પડકારોનો સામનો કરવા માટે ICMR નિષ્ણાતોની તાકીદની બેઠક પછી નિર્ણય લેવામાં આવ્યો કે તે ભારતના બાળકોને અસર કરશે નહીં. 

સ્વાઈન ફ્લૂ શું છે?
 સ્વાઈન ફ્લૂ એ એક ચેપી શ્વસન રોગ છે, સામાન્ય રીતે ડુક્કરનો સ્વાઈન ઈન્ફલ્યુએન્ઝા A વાયરસના H1N1 તાણને કારણે થાય છે. જો કે અન્ય જાતો જેમ કે H1N2, H3N1 અને H3N2 પણ ડુક્કરમાં જોવા મળે છે.