ટ્રાવેલ / એક એવો દેશ, જ્યાં 1 લાખ લઇ જવા પર થશે રૂ. 5 કરોડનો ફાયદો, પૂર્ણ થશે વિદેશ જવાનું સપનું

દરેક વ્યક્તિ એટલી કમાણી કરવાની ઈચ્છા રાખે છે કે તે દુનિયાની મુસાફરી કરી શકે. એ અલગ વાત છે કે આ માટે તેમને ખૂબ મહેનત કરવી પડે છે અને પછી તેમના કમાયેલા પૈસા પાણીની જેમ ખર્ચવા પડે છે. પણ વિચારો કે તમે ફક્ત 10,000 રૂપિયામાં આરામથી વિદેશ ફરી શકો છો.

હવે અત્યારે ઉનાળાના વેકેશન લગભગ લોકો ફરવા જવાનું વિચારી રહ્યા છે અને આ માટે ઈરાન પરફેક્ટ ડેસ્ટિનેશન છે. ઈરાનની કરન્સી રિયાલ વિશ્વની સૌથી સસ્તી કરન્સી છે અને અહીં એક ભારતીય રૂપિયાની કિંમત 504.59 રૂપિયા છે. ખાસ વાત એ છે કે ઈરાન અને ઈઝરાયેલ વચ્ચેના યુદ્ધ બાદ ઈરાનની કરન્સી નબળી પડી ગઈ છે. આ ડેસ્ટિનેશન પર જો તમે ફક્ત 10,000 રૂપિયા લઈને અહીં જશો તો પણ તમે આરામથી ફરી શકો છો.

હવે જો તમારું ફરવા જવાનું બજેટ 1 લાખ રૂપિયા હોય અને આટલા રૂપિયા લઈને ઈરાન જવાથી તમને 5 કરોડ રિયાલથી વધુ મળશે. ઈરાન ખૂબ જ સુંદર દેશ છે, ચાલો જાણીએ ત્યાં ફરવાલાયક જગ્યાઓ વિશે..

યઝદ ઈરાનનું 15મું સૌથી મોટું શહેર છે અને તેને વર્લ્ડ હેરિટેજ સાઈટ જાહેર કરવામાં આવી છે. યઝદમાં દેશનો સૌથી મોટો મિનાર આવેલ છે. બીજું મુખ્ય આકર્ષણ છે ખાજુ બ્રિજ. જે 1650 ની આસપાસ બાંધવામાં આવ્યું હતું. આ સિવાય તેહરાનનો ગોલેસ્તાન પેલેસ ઈરાનનું મુખ્ય આકર્ષણ છે. ઈરાનમાં સ્થિત આરઝ-એ-બામ કિલ્લો તેની સુંદરતા માટે પ્રખ્યાત છે.

વધુ વાંચો: 18 દેશોની યાત્રા, એ પણ માત્ર સાડા 6 લાખમાં! જણાવ્યો સસ્તામાં વિદેશ ઘૂમવાનો જોરદાર જુગાડ

જે લોકો ફરવા જવાનું વિચારી રહ્યું છે તો અહીં ફાઈવ સ્ટાર હોટલનું રોજનું ભાડું 7000 રૂપિયા સુધી છે અને મીડિયમ કેટેગરીની હોટેલ 2000-4000 રૂપિયાની વચ્ચે સરળતાથી મળી જાય છે. સાથે જ ખાસ વાત એ છે કે ઈરાન જવા માટે વિદેશ જઈને વિઝા માટે અરજી કરવાની જરૂર નહીં પડે.