સુરેન્દ્રનગર / ચોટીલામાં મહંત યુવાનનું અપહરણ કરીને 10 લાખની ખંડણી માગતા ચકચાર, લોખંડથી માર માર્યો

સુરેન્દ્રનગરના ચોટીલામાં મહંત પરિવારના યુવાનનું 4 શખ્સોએ અપહરણ કરી 10 લાખની ખંડણી માગતા ફરિયાદ નોંધાઈ છે. ગૌતમગીરી ઉર્ફે ગોપી ગોસાઈનું કારમાં અપહરણ કરી લોખંડના પાઈપ વડે માર માર્યો હતો.

મહંત પરિવારના યુવાનનું અપહરણ

ઘટનાનો સીસીટીવી વીડિયો પણ સામે આવ્યો છે જેમાં જોઈ શકાય છે કેવી રીતે ગોતમગીરીને અમુક શખ્સો માર મારીને કારમાં બેસાડી રહ્યા છે. અપહરણના દ્રશ્યો જોતા જ અમુક લોકો પણ કાર પાસે એકઠા થઈ ગયા હતા. આખરે યુવકને જબરદસ્તી બેસાડીને કાર પૂરપાટ ઝડપે હંકારી દેવામાં આવી હતી.

આ પણ વાંચો: સ્થાનિક સ્વરાજ્યની ચૂંટણીઓને લઈ મોટા સમાચાર, બેઠકો માટે રોટેશન જાહેર

4 આરોપીઓએ કારમાં કર્યું અપહરણ

આ મામલે આરોપી યુવરાજ ખાચર, સત્યરાજ ખાચર, હરેશ જળુ અને અજાણ્યા શખ્સનું નામ સામે આપ્યું છે. સમગ્ર મામલે પોલીસે તપાસ શરૂ કરી છે અને અપહરણકર્તાઓને શોધવા કાર્યવાહી હાથ ધરી છે. તો બીજીબાજુ પોલીસ સુરક્ષા સામે સવાલો ઉઠ્યા છે. જાહેરમાં કોઈ યુવકનું અપહરણ થઈ જાય અને લાખો રૂપિયાની ખંડણી માગવામાં આવે છે ત્યારે પોલીસ હજી સુધી આરોપીઓને કેમ શોધી શકી નથી તે મોટો સવાલ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ