રાજીનામું / સુભાષચંદ્ર બોઝના પ્રપૌત્રએ ભાજપથી છેડો ફાડ્યો: ગંભીર આરોપ લગાવતા કહ્યું- મને જેવા વાયદા કર્યા હતા એવું કશું ન થયું

• સુભાષ ચંદ્ર બોઝના પૌત્ર ચંદ્ર કુમાર બોઝે પોતાને ભાજપથી છેડો ફાટ્યો
• મને કરવામાં આવેલા કોઈ વાયદા પૂરા કરવામાં આવ્યા નથી
• બંગાળની રણનીતિને લઈને ઘણી દરખાસ્તો કરવામાં આવી હતી

નેતાજી સુભાષ ચંદ્ર બોઝના પૌત્ર ચંદ્ર કુમાર બોઝે પોતાને ભાજપથી દૂર કર્યા છે. તેણે કહ્યું કે હવે મારા માટે આગળ વધવું શક્ય નથી. તેમણે કહ્યું કે હું 2016માં ભાજપમાં જોડાયો હતો. હું વડાપ્રધાન નરેન્દ્ર મોદીના નેતૃત્વથી પ્રેરિત હતો. મારા સિદ્ધાંતો મારા દાદા સરથચંદ્ર બોઝ અને તેમના નાના ભાઈ નેતાજી સુભાષચંદ્ર બોઝથી પ્રેરિત છે. તેમના સિદ્ધાંતો એ હતા કે તેઓ દરેક ધર્મને ભારતીય તરીકે જોતા હતા. તેઓ વિભાજન અને કોમવાદની રાજનીતિ સામે લડ્યા.

મારા પ્રસ્તાવનો અમલ કર્યો નથી

ભાજપમાંથી રાજીનામું આપવા અંગે ચંદ્ર કુમાર બોઝે કહ્યું કે મેં બંગાળની રણનીતિને લઈને ભાજપમાં રાજ્ય અને કેન્દ્રીય નેતૃત્વને ઘણી દરખાસ્તો કરી હતી, પરંતુ તેઓએ ક્યારેય મારા પ્રસ્તાવનો અમલ કર્યો નથી. તેઓએ વિચાર્યું કે તે ઉપયોગી છે છતાં મારી કોઈપણ દરખાસ્તો સ્વીકારવામાં આવી નથી. આવી સ્થિતિમાં આ પાર્ટી સાથે રહેવાનો કોઈ અર્થ નથી. હું આવા કાર્યો કરવા સક્ષમ નથી. તેથી મને લાગ્યું કે આ પાર્ટી સાથે રહેવું યોગ્ય નથી. મેં જેપી નડ્ડાને સ્પષ્ટ કરી દીધું છે કે મારી શુભેચ્છાઓ પાર્ટી સાથે છે, પરંતુ તેમણે તમામ સમુદાયોને એક કરવા જોઈએ. 'INDIA-ભારત' વિવાદ પર ચંદ્ર કુમાર બોઝે કહ્યું કે ભારતના બંધારણમાં સ્પષ્ટ રીતે લખ્યું છે કે 'INDIA ધેટ ઈઝ ભારત. INDIA અને ભારત એક જ છે. જ્યારે બંનેનો અર્થ એક જ વસ્તુ હોય, ત્યારે તમે જે પણ કહો છો તેનો અર્થ એ જ થાય છે. આને લગતો વિવાદ કોઈ મુદ્દો નથી.