ભારે કરી / 5માંથી 4 વિષયમાં ફેલ થયો વિદ્યાર્થી તો સીધો પહોંચી ગયો સુપ્રીમ કોર્ટ, કહ્યું સવાલો જ ખોટા હતા, પછી જજ સાહેબે કહ્યું SORRY...

• પરીક્ષામાં ખોટા પ્રશ્નો પૂછવા સામે વિદ્યાર્થીએ સુપ્રીમ કોર્ટમાં અરજી કરી 
• 11મા ધોરણના વિદ્યાર્થીએ હાઈકોર્ટ બાદ સુપ્રીમ કોર્ટમાં અરજી કરી
• સુપ્રીમ કોર્ટે વિદ્યાર્થીની અરજી ફગાવી દીધી

આપણે બધા એ વાત જાણીએ છીએ અને ઘણા લોકો પાસે સાંભળી પણ છીએ કે આપણી દેશની અદાલતોમાં હજારો અને લાખો કેસ પેન્ડિંગ છે. સાથે જ એ વાત પણ નોંધનીય છે કે કોર્ટમાં ન્યાયાધીશો ઓછા અને કેસ વધુ છે એમ છતાં જે મુદ્દાના ઉકેલ ન આવે એ માંટએ લોકો કેસ કરતાં રહે છે. આ મુદ્દાની વચ્ચે ક્યારેક એવા કિસ્સાઓ કોર્ટ સુધી પહોંચે છે કે કોર્ટના જજ પણ માથું પકડી લે છે. જણાવી દઈએ કે આવો જ એક કિસ્સો સુપ્રીમ કોર્ટમાંથી સામે આવ્યો છે જેમાં 11મા ધોરણના વિદ્યાર્થીએ પરીક્ષામાં ખોટા પ્રશ્નો પૂછવા સામે સુપ્રીમ કોર્ટમાં અરજી કરી હતી. શું છે આખો કિસ્સો ચાલો જાણીએ.. 

5માંથી 4 વિષયમાં ફેલ થયો વિદ્યાર્થી તો સીધો પહોંચી ગયો સુપ્રીમ કોર્ટ, કહ્યું સવાલો જ ખોટા હતા#SupremeCourt #student #standard11th #VTVGujarati #VTVCard pic.twitter.com/rEOGGYSFOg

— VTV Gujarati News and Beyond (@VtvGujarati) July 28, 2023

પરીક્ષામાં તેને ખોટા પ્રશ્નો પૂછવામાં આવ્યા હતા
11મા ધોરણનો આ વિદ્યાર્થી અગાઉ હાઈકોર્ટમાં ગયો હતો, જ્યાં તેને કોઈ રાહત મળી ન હતી. હાઈકોર્ટમાં તેને અપીલ કરી હતી કે પરીક્ષામાં તેને ખોટા પ્રશ્નો પૂછવામાં આવ્યા હતા. આ કારણે તે ફેલ થઈ ગયો હતો. એ બાદ તેને સુપ્રીમ કોર્ટમાં અપીલ કરી હતી. જો કે 28 જુલાઈની સવારે સુપ્રીમ કોર્ટે આ વિદ્યાર્થીને ઠપકો આપ્યો હતો. 

સુપ્રીમ કોર્ટે વિદ્યાર્થીની અરજી ફગાવી દીધી
વાત એમ છે કે બાર અને બેંચે એક ટ્વીટમાં જણાવ્યું કે સુપ્રીમ કોર્ટે વિદ્યાર્થીની અરજી ફગાવી દીધી છે. કોર્ટે કહ્યું કે આ મામલો બહુ નાનો છે. આ સાંભળીને નવાઈ લાગશે. સુનાવણી કરી રહેલા જસ્ટિસ સંજય કૌલે વિદ્યાર્થીને અલગ રીતે ફટકાર લગાવી. કહ્યું કે સુપ્રીમ કોર્ટ તેના પર વિચાર કરશે નહીં.

વિદ્યાર્થી 5માંથી 4 વિષયમાં નાપાસ થયો 
જસ્ટિસ સંજય કૌલ આ કેસ જોઈને એટલા ગુસ્સે થઈ ગયા કે તેમણે કહ્યું- કેટલાક વિદ્યાર્થીઓ ભણવા માટે નથી હોતા. એ વિદ્યાર્થી 5 પેપરમાંથી 4 પેપરમાં પાસ નથી થયો તો પછી તે પરીક્ષામાં પ્રશ્ન કેવી રીતે ઉઠાવી શકે? પરીક્ષામાં પૂછાયેલા પ્રશ્નો ખોટા છે તે હું કેવી રીતે કહી શકું? કોઈ તેમની પૂછવામાં આવેલી પદ્ધતિઓ પર કેવી રીતે પ્રશ્ન કરી શકે છે. માફ કરશો સુપ્રીમ કોર્ટ આ બધું સાંભળશે નહીં.

A class 11 student moves Supreme Court against a HC order stating that questions asked in the exam were wrong:

Justice Sanjay Kishan Kaul: What is this ? Some people are not meant for academics. He has not cleared 4 out of 5 papers. You will question the questions, examiner,… pic.twitter.com/R4AxkJvI7A

— Bar & Bench (@barandbench) July 28, 2023

આવી જ એક અરજી દિલ્હી હાઈકોર્ટમાં પણ આવી હતી
આ પહેલો આવો કિસ્સો નથી, જણાવી દઈએ કે થોડા દિવસો પહેલા દિલ્હી હાઈકોર્ટે પણ આવી જ એક અરજીને ફગાવી દીધી હતી. ત્યાં 11મા ધોરણના વિદ્યાર્થીએ વિનંતી કરી હતી કે તેને ફરીથી અંતિમ પરીક્ષામાં બેસવા દેવામાં આવે. કારણ કે પરીક્ષા સમયે તે બીમાર પડી ગયો હતો. સેન્ટ્રલ બોર્ડ ઓફ સેકન્ડરી એજ્યુકેશન (CBSE)ના નિયમો અનુસાર આ સ્થિતિમાં ફરીથી પેપર આપી શકાય નહીં. તેમાં કોર્ટે કહ્યું હતું કે વિદ્યાર્થીએ ધોરણ 11માં ફરી વાંચવું જોઈએ.