લોકસભા ચૂંટણી 2024 / 'મારી આંખ માં આંસુ તમને નહીં દેખાયા હોય પણ મારું દિલ રડયું હતું' સી આર પાટિલે કેમ આવું કહ્યું

મહેસાણા ખાતે ભાજપ પ્રદેશ અધ્યક્ષ સી.આર.પાટિલની અધ્યક્ષતામાં  વિજય વિશ્વાસ સંમેલન યોજાયુ હતું. પાટિલે જણાવ્યું કે આ વખતે NDAને 400થી વધુ બેઠકો પ્રાપ્ત કરી ફરી એક વાર મોદી PM બનશે તેવો વિશ્વાસ છે. ગુજરાતમા દરેક બેઠક પર ઉમેદવાર પાંચ લાખથી વધુની લીડ સાથે જીતવાની આશા વ્યક્ત કરી છે.

બુથ પ્રમુખોએ ખૂબ પ્લાનિંગથી ચાલવાનું છે: સી આર પાટિલ

પ્રદેશ ભાજપ અધ્યક્ષ સી આર પાટિલે કહ્યું કે, આપણે ખૂબ સારા વાતાવરણ વચ્ચે લોકસભાની ચૂંટણી લડી રહ્યા છીએ. બીજા શુ કરે છે એ આપણે જોવાનું નથી, પણ આપણે શું કરવાનું છે તેનું પ્લાનિંગ કરવાનું છે. બુથ પ્રમુખોએ ખૂબ પ્લાનિંગથી ચાલવાનું છે. આ વખતે આપણે મહેસાણા કોંગ્રેસની ડિપોઝિટ જમા કરાવવાની છે. કાલે વહેલી સવારે જ મતદારોના ઘેર પહોંચી જવાનું છે

'ભાજપ ને જીતાડવા માટે મહેનત કરવાની છે'

તેમણે કાર્યકર્તાને હાંકલ કરતા કહ્યું કે, ભાજપ ને જીતાડવા માટે મહેનત કરવાની છે. જેમને પત્ની ના પાડે એમને કહેજો કે મારે મોદી સાહેબને જીતાડવા મહેનત કરવાની છે.  6 એપ્રિલના રોજ ભાજપનો જન્મ દિવસ છે. દરેક મતદારોના ઘેર ઝંડી લગાવવાની છે.  જ્યાં જાઓ ત્યાં વડીલ મતદારો પણ હશે તેમના પણ આશીર્વાદ લેશો, દિવ્યાંગ ભાઈઓ કે વડીલોને મતદાન મથક સુધી પહોચવા કલેકટરને કહી મદદ કરવાની ખાતરી આપશો. લાભાર્થીઓ સાથે વિષેશ ચર્ચા કરશો અને તેમને સાંભળશો.

વાંચવા જેવું: પરેશ ગોસ્વામીની ભયંકર આગાહી! એપ્રિલમાં ગરમી સાથે આ તારીખોમાં પડશે વરસાદ

કોંગ્રેસ પર કર્યા આકરા પ્રહારો

તેમણે કોંગ્રેસ પર આકરા પ્રહારો કરતા કહ્યું કે, આપણા ઉમેદવાર હરિભાઈ પટેલની સામે લડવા કોંગ્રેસને કોઈ ઉમેદવાર જડતો નથી. તમારો ઉત્સાહ છે તે જોઈ મને વિશ્વાસ છે કે કોંગ્રેસની ડિપોઝિટ પણ જપ્ત થવાની એ નક્કી છે. તમે બધા વચનબદ્ધ છો એટલે હું નિશ્ચિંત છું

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો