- શાહરૂખ ખાનની ફિલ્મ 'જવાન' 7 સપ્ટેમ્બરના રોજ રિલીઝ થશે
- લોકો સોશિયલ મીડિયા પર ફિલ્મના ટ્રેલર રિલીઝ કરવાની માંગ કરી રહ્યા
- ફિલ્મને લઈને ભારતની બહાર એડવાન્સ બુકિંગ શરૂ થઈ ગયું
Shah Rukh Khan Film Jawan created history: શાહરૂખ ખાન આ દિવસોમાં પોતાની આગામી ફિલ્મ જવાનને લઈને ચર્ચામાં છે. ફિલ્મ 7 સપ્ટેમ્બરના રોજ રિલીઝ થશે પણ આ ફિલ્મનું ટ્રેલર હજુ સુધી રિલિઝ થયું નથી. એવામાં લોકો સોશિયલ મીડિયા પર સતત ફિલ્મના ટ્રેલર રિલીઝ કરવાની માંગ કરી રહ્યા છે. એવામાં મેકર્સે આવતીકાલે ફિલ્મનું વધુ એક ગીત રિલીઝ કરવાની વાત કહી છે.
ફિલ્મને લઈને એડવાન્સ બુકિંગ શરૂ થઈ ગયું
ચાહકોની સાથે સ્ટાર્સ અને ખુદ શાહરૂખ ખાન પણ ફિલ્મ રિલીઝ તેની આતુરતાથી રાહ જોઈ રહ્યા છે. નોંધનીય છે કે આ ફિલ્મને લઈને એડવાન્સ બુકિંગ પણ શરૂ થઈ ગયું છે. વિદેશોમાં પણ આ ફિલ્મ એડવાન્સ બુકિંગમાં કમાણીના મામલામાં પઠાણનો રેકોર્ડ તોડી રહી છે. આ ફિલ્મમાં શાહરૂખ ખાન અત્યાર સુધીના સૌથી અનોખા અવતારમાં જોવા મળશે. આ બધાની વચ્ચે ફિલ્મ 'જવાન' એ એડવાન્સ બુકિંગમાં ઈતિહાસ રચી દીધો છે.
વિદેશોમાં કેટલી ટિકિટો વેચાઈ
'જવાન' યુએસમાં 450 સ્થળોએ રિલીઝ થઈ રહી છે. અમેરિકામાં દરરોજ ફિલ્મના 1884 શો બતાવવામાં આવશે. રસપ્રદ વાત એ છે કે ફિલ્મ રિલીઝ થવામાં 10 દિવસ બાકી છે અને અત્યાર સુધીમાં ત્યાં 13750 ટિકિટ વેચાઈ ચૂકી છે. આમાંથી મોટાભાગના બુકિંગ ટેક્સાસ અને કેલિફોર્નિયામાં થયા છે. 'જવાન' શુક્રવારે 7 સપ્ટેમ્બર 2023ના રોજ સિનેમાઘરોમાં રિલીઝ થઈ રહી છે. આ ફિલ્મે એડવાન્સ બુકિંગમાં 2 કરોડ રૂપિયાની કમાણી કરી લીધી છે.
ટ્રેલર રિલીઝ પહેલા જ આટલી કમાણી કરી લીધી
યુ.એસ.એ.માં મૂવી રિલીઝના 20 દિવસ પહેલા જવાનનું એડવાન્સ બુકિંગ શરૂ થઈ ગયું છે પરંતુ ભારતમાં તે હજી શરૂ થયું નથી. અન્ય કેટલાક સેન્ટરોએ પણ ફિલ્મ માટે એડવાન્સ બુકિંગ શરૂ કરી દીધું છે. સોમવારે સવારે સોશિયલ મીડિયા પર ટ્વીટ કર્યું, 'જવાન યુએસએ બોક્સ ઓફિસ પર ટ્રેલર લૉન્ચ થયા પહેલા જ કમાણીનો આંકડો $200Kને પાર કરી ગયો. '
ભારતમાં એડવાન્સ બુકિંગ શરૂ નથી થયું
જોકે ભારતમાં એડવાન્સ બુકિંગ હજુ શરૂ થયું નથી. જોકે મુંબઈમાં કેટલાક થિયેટરોએ રવિવારે એડવાન્સ બુકિંગ શરૂ કરી દીધું હતું. કહેવાય છે કે 15 મિનિટમાં 'કિંગ ખાન'ના ચાહકોએ તમામ ટિકિટો ખરીદી લીધી હતી. જ્યારે આમાંથી કેટલીક ટિકિટોની કિંમત 1100 રૂપિયા સુધી રાખવામાં આવી હતી. જુલાઈ મહિનામાં નિર્માતાઓએ 'જવાન'નો પ્રીવ્યૂ વીડિયો રિલીઝ કર્યો હતો. 2 મિનિટ 13 સેકન્ડના વીડિયોમાં શાહરૂખ ખાનના કેટલાય અવતાર જોવા મળ્યા છે.
