એક્શન / મોટા સમાચાર: જમ્મુ-કશ્મીરમાં સેનાની મોટી કાર્યવાહી, લશ્કર-એ-તૈયબાના આતંકીને ફૂંકી માર્યો

• જમ્મુ-કશ્મીરમાં સેનાની મોટી કાર્યવાહી 
• લશ્કર એ તૈયબાના આતંકીને કર્યો ઠાર
• કાશ્મીર ઝોન પોલીસે ટ્વિટ કરીને આ અંગેની માહિતી આપી છે.

ઉલ્લેખનીય છે કે, રવિવારે સવારે જમ્મુ-કાશ્મીરના હરવાના વિસ્તારમાં સુરક્ષા દળો અને આતંકવાદીઓ વચ્ચે અથડામણના સમાચાર સામે આવ્યા હતા, જેમાં સુરક્ષા દળોએ એક આતંકવાદીને ઠાર માર્યો હતો. જો કે હજુ સુધી તે આતંકીના નામ કે ઓળખ વિશે કોઈ માહિતી સામે આવી નથી. પરંતુ ઓળખ પર ચોક્કસપણે જાણવા મળ્યું કે માર્યો ગયો આતંકવાદી આતંકવાદી સંગઠન લશ્કર-એ-તૈયબાનો સભ્ય છે.

One unidentified terrorist neutralized in the encounter that broke out between security forces and terrorists at Harwan area of Srinagar: Kashmir Zone Police

— ANI (@ANI) December 18, 2021

બે દિવસ પહેલા કુલગામમાં આતંકીઓ માર્યા ગયા હતા

થોડા સમયગાળા પહેલા જમ્મુ-કાશ્મીરમાં ઘણા આતંકવાદી હુમલા થયા છે, જેનો સેનાએ જડબાતોડ જવાબ આપ્યો છે. બે દિવસ પહેલા એટલે કે ગુરુવારે કુલગામ જિલ્લામાં સુરક્ષાદળો સાથેની અથડામણમાં બે આતંકવાદીઓ માર્યા ગયા હતા. પોલીસે જણાવ્યું કે સુરક્ષા દળોએ બુધવારે રાત્રે કુલગામ જિલ્લાના રેડવાની વિસ્તારને કોર્ડન કરીને સર્ચ ઓપરેશન શરૂ કર્યું હતું. તેણે જણાવ્યું કે આ દરમિયાન આતંકવાદીઓએ તેના પર ગોળીબાર કર્યો, જેના કારણે સેનાએ પણ જવાબી કાર્યવાહી કરી અને કેટલાક આતંકીઓનો ખાત્મો બોલાવ્યો હતો