ન્યાયિક / જીવનસાથીની ગંભીર બીમારી છૂટાછેડાનો આધાર ન બની શકે, હાઈકોર્ટનો મહત્વનો ચુકાદો

• બોમ્બે હાઈકોર્ટનો મહત્વપૂર્ણ ચુકાદો 
• જીવનસાથીની ગંભીર બીમારી છૂટાછેડાનો આધાર ન બની શકે
• હાઈકોર્ટે આપ્યું હિંદુ મેરિજ એક્ટનું ઉદાહરણ 

હિંદુ મેરિજ એક્ટમાં જણાવાયું છે કે જીવનસાથીની ગંભીર બીમારી છૂટાછેડાનો આધાર ન બની શકે. હાઈકોર્ટે આને લઈને એક મહત્વનો ચુકાદો આપ્યો છે. જો તમારા જીવનસાથી કોઈ ગંભીર બીમારીથી પીડાતો હોય તો હિંદુ મેરેજ એક્ટ મુજબ તેને છૂટાછેડાનું કારણ ગણી શકાય નહીં. તાજેતરમાં જ બોમ્બે હાઈકોર્ટે આ કેસમાં ચુકાદો આપ્યો છે. કોર્ટે કહ્યું કે ઘણા પુરાવા છે જે બતાવે છે કે આવી કોઈ તબીબી સ્થિતિ પતિ-પત્ની માટે સાથે રહેવું મુશ્કેલ બનાવે છે.એમ કહીને હાઇકોર્ટની ડિવિઝન બેન્ચે 2016ની ફેમિલી કોર્ટના નિર્ણયને યોગ્ય ઠેરવ્યો હતો.

હાઈકોર્ટે પતિના આરોપ ફગાવ્યાં 
જસ્ટીસ વિનય જોશી અને વાલ્મીકિ એસએ મેન્ઝીઝની ખંડપીઠે પતિ દ્વારા લગાવવામાં આવેલા તમામ આરોપોને ફગાવી દીધા હતા. પતિએ હાઈકોર્ટમાં દલીલ કરી હતી કે, પત્નીને વાઈની બીમારી છે. વાઈના કારણે તેમની પત્નીનું માનસિક સંતુલન બગડી ગયું છે અને વાઈ એક અસાધ્ય રોગ છે. પતિએ જણાવ્યું કે વાઈના કારણે પત્નીનું વર્તન અસામાન્ય થઈ ગયું છે. તે આત્મહત્યા કરવાની ધમકી આપે છે. કોર્ટે પતિના આરોપોને ફગાવી દીધા અને કહ્યું કે વાઈ કોઈ એવી બીમારી નથી કે જેનો ઈલાજ ન થઈ શકે. હિન્દુ મેરેજ એક્ટની કલમ 13(1)(3) મુજબ આ આરોપોના આધારે છૂટાછેડા આપી શકાય નહીં.

કોર્ટે એક દાખલો પણ આપ્યો 
સુનાવણી દરમિયાન કોર્ટે રઘુનાથ ગોપાલ દફતરદાર વિરુદ્ધ વિજય રઘુનાથ ઓફિસદાર કેસનું ઉદાહરણ આપ્યું હતું. કોર્ટે કહ્યું કે, બંને કેસ અલગ-અલગ છે, પરંતુ એક દલીલ એવી છે જે બંને કેસમાં લાગુ પડે છે. એવા ઘણા તબીબી પુરાવા છે જે સૂચવે છે કે આવી પરિસ્થિતિ પતિ અને પત્ની સાથે રહેવામાં અવરોધરૂપ નથી.

વાઈની બીમારી ઠીક થઈ શકે
કોર્ટનું એવું પણ તારણ હતું કે વાઈ કંઈ એટલી બધી ગંભીર બીમારી નથી કે તેની સારવાર ન થઈ શકે. વાઈ મટી શકે તેવી બીમારી છે.