સ્પોર્ટ્સ / જમ્મુ-કાશ્મીરમાં પહેલીવાર 'ખેલો ઈન્ડિયા વોટર સ્પોર્ટ્સ ફેસ્ટિવલ'નું આયોજન, જાણો શું છે ખાસ

“ધરતીના સ્વર્ગ” કહેવાતા કાશ્મીર હવે માત્ર કુદરતી સૌંદર્યથી નહિ, પણ રમતગમતની પ્રવૃત્તિઓથી પણ ઓળખાશે. આવનારા 21 થી 23 ઑગસ્ટ 2025 દરમિયાન કાશ્મીરના હ્રદય સમાન ડલ લેક પર પહેલીવાર ખેલો ઇન્ડિયા વોટર સ્પોર્ટ્સ ફેસ્ટિવલનું આયોજન થવાનું છે. આ ફેસ્ટિવલ ભારતના તમામ રાજ્ય અને કેન્દ્રશાસિત પ્રદેશમાંથી આવેલા 400થી વધુ ઍથલિટ્સ માટે એક વિશાળ મેદાન સાબિત થશે, જ્યાં તેઓ વોટર સ્કીંગ, ડ્રેગન બોટ રેસ, હંટા સ્પ્રિન્ટ અને અન્ય વોટર સ્પોર્ટ્સ જેવી કે રોઇંગ, કયાકિંગ અને કેનોઇંગ જેવી રમતોમાં ભાગ લેશે.

ખાસ વાત એ છે કે આ ફેસ્ટિવલનો ઉદ્દેશ્ય માત્ર રમતગમતના પ્રોત્સાહન સુધી સીમિત નથી, પણ તે સ્થાનિક રોજગાર સર્જન, પ્રવાસન વિકાસ અને પાણીમાં રમતો માટે જરૂરી માળખાકીય સુવિધાઓની મજબૂતી તરફ એક મોટું પગલું છે. ભારતીય રમતગમત અધિકારણ (Sports Authority of India - SAI) અને જમ્મુ-કાશ્મીર રમત પરિષદ દ્વારા આ ફેસ્ટિવલનું સંયુક્ત આયોજન કરવામાં આવ્યું છે, જે 'ખેલો ભારત' નીતિના અમલનો ભાગ છે. ડલ લેક,જે પોતાની કુદરતી સુંદરતા અને શાંત જળો માટે જાણીતી છે, હવે એથલિટ્સ માટે એક રમતગમતના મેદાનમાં બદલાઈ રહી છે. અહીંનું લોકલ ઇકોસિસ્ટમ જેમ કે શિકારા ઓપરેટર્સ, હાઉસબોટ માલિકો, તથા સ્થાનિક વેપારીઓ માટે પણ આ એક મોટો અવસર છે.

સ્થાનિક વોટર સ્પોર્ટ્સ ઍથલિટ અને શિકારા ઓપરેટર મુહમ્મદ રફીક મલ્લાએ જણાવ્યું હતું કે, “આ ફેસ્ટિવલ માત્ર ઍથલિટ્સ માટે નહિ, પણ ડલ લેક સાથે સંકળાયેલા દરેક વ્યક્તિ માટે એક નવી આશા છે. હું ઈચ્છું છું કે સમગ્ર ભારતના યુવાનો અહીં આવી રમત રમે અને કાશ્મીરની અદ્વિતીય શાંતિ અને સૌંદર્યનો અનુભવ કરે.” ડલ લેકના ફૂલોના બગીચાઓ, તણાતા શિકારા, અને જવર્ઝવાન પહાડોની પૃષ્ઠભૂમિ સાથે વોટર સ્પોર્ટ્સનો અનોખો મેળાવડો ખેલપ્રેમીઓ અને પ્રવાસીઓને એક નવું અને તાજું અનુભવ આપશે.

વધુમાં વાંચો: શું રોહિત શર્માની કેપ્ટનશીપ છે કોઇ ધર્મસંકટમાં? એશિયા કપના સ્ક્વૉડથી મળી હિંટ

આવા આયોજનોથી જમ્મુ-કાશ્મીર માત્ર પ્રવાસન કેન્દ્ર નહીં, પણ હવે રાષ્ટ્રીય અને આંતરરાષ્ટ્રીય રમતગમત માટેનું મહત્વપૂર્ણ સ્થાન બની રહ્યું છે. રમતગમતના માધ્યમથી એકતા અને વિકાસ તરફ દેશ આગળ વધી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ