- સોમવારે કરો ભગવાન શિવની આરાધના
- સોમવારે આ ભૂલ બિલ્કુલ પણ ના કરવી
- આ ભૂલ કરવાથી અનેક સમસ્યા આવી શકે છે
હિન્દુ શાસ્ત્રો અનુસાર સપ્તાહના તમામ દિવસ અલગ અલગ દેવી-દેવતાને સમર્પિત છે. સોમવારનો દિવસ ભગવાન શિવને સમર્પિત છે. માનવામાં આવે છે કે, સપ્તાહના પહેલા દિવસે એટલે કે સોમવારે ભગવાન શિવને પ્રસન્ન કરવા સરળ છે. ભગવાન શિવની આરાધના કરવા માટે સોમવારને શ્રેષ્ઠ દિવસ માનવામાં આવે છે. માન્યતા છે કે, સોમવારે મહાદેવની કૃપા મેળવવા માટે કેટલાક ઉપાય કરવાથી તમામ પરેશાની દૂર થાય છે. સોમવારે આ ભૂલ બિલ્કુલ પણ ના કરવી જોઈએ, નહીંતર અનેક સમસ્યાઓનો સામનો કરવો પડે છે.
સોમવારે આ ભૂલ ના કરવી.
કાળા કપડાં ના પહેરવા- સોમવારે ભગવાન શિવની પૂજા વિધિપૂર્વક કરવામાં આવે છે. સોમવારે ભગવાન શિવની પૂજા દરમિયાન ક્યારેય પણ કાળા કપડાં ન પહેરવા જોઈએ. સોમવારે કાળા કપડાં પહેરવા ભગવાન ભોળેનાથના પ્રકોપનો સામનો કરવો પડે છે.
અનૈતિક કાર્ય ના કરવા- સોમવારે વ્રત કરવાનું વિચારી રહ્યા છો, તો તેના નિયમો વિશે પણ જાણકારી હોવી જોઈએ. સોમવારે ભગવાન શિવની પૂજા કરો છો, તો કોઈને નુકસાન થાય તેવું કામ બિલ્કુલ પણ ના કરવું જોઈએ. આ દિવસે અનૈતિક કાર્ય કરવાથી જીવ જોખમમાં મુકાઈ શકે છે.
જુગાર ના રમવું અને ચોરી ના કરવી- ધાર્મિક ગ્રંથો અનુસાર સોમવારે જુગાર, ચોરી અથવા અન્ય સ્ત્રી પર ખરાબ નજર રાખવા જેવા કાર્યો ના કરવા જોઈએ. આ પ્રકારના કાર્ય કરવાથી વ્યક્તિ પાપનો ભાગીદાર બને છે.
પૂજામાં તુલસીનો ઉપયોગ ના કરવો- જ્યોતિષ શાસ્ત્ર અનુસાર ભગવાન શિવની પૂજા કરતા સમયે પૂજામાં ભૂલથી પણ તુલસીનો ઉપયોગ ના કરવો જોઈએ. કહેવામાં આવે છે કે, તુલસી શ્રાપિત છે અને ભગવાન શિવે તેના પતિનો વધ કર્યો હતો. આ કારણોસર શિવ પૂજામાં તુલસીનો ઉપયોગ થતો નથી.
શ્રીફળ ના વધેરવું- ભગવાન શિવની પૂજામાં ભૂલથી પણ નારિયેળનો ઉપયોગ કરવો તે અશુભ માનવામાં આવે છે. નારિયેળને લક્ષ્મીદેવીનું પ્રતીક માનવામાં આવે છે, જે ભગવાન વિષ્ણુ સાથે સંબંધિત છે. માતા લક્ષ્મી ભગવાન વિષ્ણુના પત્ની છે અને નારિયેળને શ્રીફળ પણ કહેવામાં આવે છે. જેથી નારિયેળને લક્ષ્મીમાતાનું સ્વરૂપ માનવામાં આવે છે. આ કારણોસર શિવ પૂજામાં શ્રીફળનો ઉપયોગ થતો નથી.
