ફ્રોડ એલર્ટ / સોશ્યલ મીડિયા પર ફોલોઅર્સની લાલચ પડી શકે છે ભારે! શું તમે તો નથી કરી રહ્યાં ને આવી ભૂલ?

• સોશિયલ મીડિયા પર લોકોને ફેમસ થવાની લાલચ 
• ફેમ કમાવવા ન કરવા આવી ભૂલો 
• ફોલોઅર્સ વધારવા પડી શકે છે મોંઘા 

સોશિયલ મીડિયા પર લોકો ફેમસ થવાની લાલચમાં આવે છે. ત્યાં જ ફેમ કમાવવા માટે ફોલોઅર્સ વધારવાની જાણે રેસ લાગી છે. એવામાં મોટાભાગના લોકો પોતાના ફોલોઅર્સ વધાવવા માટે નવી નવી ટ્રિક્સ અજમાવી રહ્યા છે. આટલું જ નહીં સોશિયલ મીડિયા પર પૈસા કમાવવાના ઘણા રસ્તા પણ ખુલી જાય છે. સોશિયલ મીડિયા પર જેટલા વધારે પૈસા કમાવવાનું ઝનૂન વધે છે. તેટલા જ ફ્રોડ વધે છે. 

રોકાણ વાળુ સ્કેમ 
સોશિયલ મીડિયા પર એક એવી પોસ્ટ તમે પણ જોઈ હશે જેમાં વ્યક્તિ બિટકોઈનની કંપનીનું નામ લઈને જણાવે છે કે તેણે તેમાં 50 હજાર રૂપિયા રોકાણ કર્યા અને તે 1 લાખ રૂપિયા થઈ ગયા. પોસ્ટમાં તે કંપની અને વ્યક્તિને ટેગ કરીને એમ પણ જણાવવામાં આવે છે કે જો રોઈ પણ મારી જેમ જીવન બદલવા માંગે છે તો આ વ્યક્તિને મેસેજ કરો. 

ખાતામાં પૈસા આવવાથી મેસેજના સ્ક્રીનશોર્ટ પણ પોસ્ટ કરવામાં આવે છે. આ એક ફ્રોડ છે જેમાં હેકર કોઈ વ્યક્તિના સોશિયલ મીડિયા એકાઉન્ટ હેક કરીને આ પ્રકારની પોસ્ટ નાખી રહ્યા છે. તે કોઈ લિંક શેર કરી શકે છે જેને ખોલતા જ એકાઉન્ટનું એક્સેસહેકરના હાથમાં આવી જાય છે. 

થર્ડ પાર્ટી એપથી થતા સ્કેમ 
આ એપ્સ સોશિયલ મીડિયા પર ફોલોઅર્સ વધાવા, પોસ્ટ પર લાઈક્સ અને કમેન્ટ્સ મેળવવામાં મદદ કરે છે. પ્લે સ્ટોર પર આવી એપ્સ છે. જેનો ઉપયોગ કરવા માટે લોગઈન કરવું પડે છે. એટલે તમે સીધા સીધા પોતાના સોશિયલ મીડિયાનું યુઝર આઈડી, ઈ-મેલ આઈડી અને પાસવર્ડ કોઈ અજાણી એપની સાથે શેર કરી રહ્યા છો. એનાથી એકાઉન્ટ હેક થઈ શકે છે.  

ઓનલાઈન પેમેન્ટના ફ્રોડ 
એવું પણ થઈ શકે છે કે ફ્રોડ સોશિયલ મીડિયા પર કપડા કે અન્ય સામાન પણ વેચી શકે છે. જ્યારે ખરીદનાર ઓનલાઈન ચુકવણી કરે છે તો સામાન તેમને ડિલિવર કરવામાં આવતો નથી અને તેમના પૈસા પણ તેમને પાછા આપવામાં આવતા નથી. ત્યાર બાદ તે ગાયબ થઈ જાય છે. સ્પોન્સર્ડ પોસ્ટ કે બ્રાન્ડ એમ્બેસેડર બનવા માટે પણ મેસેજ આવી શકે છે. જેમાં તે પોતાના પૈસા જોઈને પોસ્ટ કરવા માટે કહે છે. 

ગિવઅવે પોસ્ટ એટલે કે પોસ્ટને લાઈક કરીને લોકોને ટેગ કરવાના હોય છે. તેમાં વિજેતાને ઉપહાર આપવામાં આવે છે. તેમાં મોટાભાગના સ્કેમર્સ હોય છે જેમાં એક લિંક પણ આપવામાં આવે છે. તેના પર ક્લિક કરતા જ સોશિયલ મીડિયા એકાઉન્ટ હેક થઈ જાય છે.