નિવેદન / મુસ્લિમ દેશોમાં અઝાન લાઉડસ્પીકર પર નથી થતી તો પછી ભારતમાં કેમ? : દિગ્ગજ સિંગર અનુરાધા પૌડવાલનો સવાલ

• અનુરાધા પૌડવાલે લાઉડસ્પીકર પર કર્યા સવાલ
• મુસ્લિમ દેશોમાં અઝાન લાઉડસ્પીકર પર નથી થતીઃ અનુરાધા પૌડવાલ
• આમ જ અઝાન ચલાવતા રહેશે તો લોકો હનુમાન ચાલીસાઃ અનુરાધા

પ્લેબેક સિંગર સોનૂ નિગમની અઝાન કન્ટ્રોવર્સી તો તમને યાદ જ હશે. મસ્જિદોમાં લાઉડસ્પીકર પર અઝાનને લઇને કરવામાં આવેલી પોતાની કોમેન્ટના કારણે સોનૂએ મૂંડન કરાવવું પડ્યું હતું. આ વિવાદ પર હવે દિગ્ગજ સિંગર અનુરાધા પૌડવાલે કોમેન્ડ કરી છે. તેમણે લાઉડસ્પીકર પર અઝાન થવા પર સવાલ ઉઠાવ્યા છે.

અઝાન વિવાદ પર શું બોલ્યા અનુરાધા પૌડવાલ?
અનુરાધા પૌડવાલે કહ્યું કે, હું દેશ-વિદેશમાં અનેક જગ્યાઓ પર ફરી છું. પરંતુ મેં ક્યાંય એવું થતું નથી જોયું. જેવું અહીં પર થાય છે. અનુરાધાએ સ્પષ્ટ કહ્યું કે તેઓ કોઇ ધર્મની વિરુદ્ધ નથી. પરંતુ ભારતમાં આવી જબરદસ્તીને પ્રોત્સાહન મળે છે. મસ્જિદોમાં લાઉડસ્પીકર પર અઝાન ચલાવવામાં આવે છે. જેના કારણે બાકીના લોકો પણ સ્પીકર ચલાવે છે. મિડલ ઈસ્ટમાં તો લાઉડસ્પીકરપર અઝાન પર પ્રતિબંધ છે. જ્યારે મુસ્લિમ દેશોમાં અઝાન લાઉડસ્પીકર પર નથી થતી તો પછી ભારતમાં કેમ આવું થાય છે?

અનુરાધા પૌડવાલે ખુલ્લીને આ મુદ્દે પોતાની વાત રાખતા કહ્યું કે જો દેશમાં લોકો લાઉડસ્પીકર પર આમ જ અઝાન ચલાવતા રહેશે તો લોકો હનુમાન ચાલીસા પણ એવી જ રીતે ચલાવશે. આનાથી શું ફાયદો થશે, વિવાદ વધતો જશે બસ, એવું થવું ખુબ જ દુઃખદ છે. હવે રમઝાનના મહિનામાં લેજેન્ડરી સિંગર અનુરાધા પૌડવાલનું આ નિવેદન તૂલ પકડી રહ્યું છે. સોનૂ નિગમના સમયે પણ કેટલાક મુસ્લિમ ધર્મગુરૂઓએ સિંગરને આડે હાથ લીધા હતા.

શું કહ્યું હતું સોનૂ નિગમે?
2017માં જ્યારે સોનૂ નિગમે એક ટ્વિટ કર્યું જેનાથી આખા દેશમાં હડકંપ મચ્યો હતો. તેમણે ટ્વિટ કરીને લાઉડસ્પીકર પર અઝાન ચલાવવા પર ખેદ વ્યક્ત કર્યો હતો. તેમણે ગુંડાગર્દી ગણાવી હતી. સોનૂએ લખ્યું હતું કે, હું મુસ્લિમ નથી. છતા પણ નારે અઝાનના કારણે સવારે ઉઠવું પડે છે. ભારતમાં જબરદસ્તી ધર્મ થોપવાનું ક્યારે બંધ થશે ? સોનૂના આ ટ્વિટે હોબાળો મચાવી દીધો હતો. તેમના વિરૂદ્ધ ફતવો જાહેર થઇ ગયો હતો. જ્યારબાદ તેમણે મૂંડન કરાવી લીધું હતું.