મોટા સમાચાર / T20 સીરિઝમાંથી બહાર થયો ભારતનો આ સ્ટાર ખેલાડી ! નિર્ણય જાહેર થાય તેટલી વાર

7 ઓક્ટોબરથી શરુ થનારી બાંગ્લાદેશ ટી 20 સીરિઝમાંથી ભારતના સ્ટાર શુભમન ગિલને આરામ અપાઈ શકે છે. શુભમન ગિલ ટી 20 ટીમનો વાઈસ કેપ્ટન પણ છે. ટીમમાંથી બહાર રાખવાનો બીસીસીઆઈનો હેતુ તેને પૂરતો આરામ આપવાનો છે કારણ કે તે પછી ન્યૂઝીલેન્ડ સામેની મોટી સીરિઝ શરુ થવાની છે.

ઈશાન કિશન ટીમમાં પાછો આવી શકે

ભારતીય વાઇસ-કેપ્ટન શુભમન ગિલ એ મુખ્ય ખેલાડીઓમાં સામેલ છે જેમને ભારતીય ક્રિકેટ બોર્ડની વર્કલોડ મેનેજમેન્ટ પોલિસી હેઠળ બાંગ્લાદેશ સામે 7 ઓક્ટોબરથી શરૂ થનારી ત્રણ મેચની T20 આંતરરાષ્ટ્રીય શ્રેણી માટે આરામ આપવામાં આવશે. ગિલ, જે ટેસ્ટ મેચોમાં ભારત માટે ત્રીજા નંબરે બેટિંગ કરે છે, તે રોહિત શર્મા, વિરાટ કોહલી અને યશસ્વી જયસ્વાલ સાથે ટીમના ટોપ ઓર્ડરમાં મુખ્ય ખેલાડી છે અને તે આ સિઝનમાં તમામ 10 ટેસ્ટ રમશે તેવી અપેક્ષા છે. લાંબા સમયથી ભારતીય ટીમમાં જગ્યા બનાવવાની કોશિશ કરી રહેલા ઈશાન કિશન માટે ટીમ ઈન્ડિયાના દરવાજા ખુલી શકે છે. મીડિયા રિપોર્ટ્સ અનુસાર, જો પંત આગામી T20 સિરીઝ નહીં રમે તો કિશનની વાપસી નિશ્ચિત છે.

બીજા ખેલાડીઓને પણ આરામ મળી શકે

ન્યુઝીલેન્ડ સામેની ત્રણ ટેસ્ટ મેચની શ્રેણીને ધ્યાનમાં રાખીને ગિલ સિવાય અન્ય કેટલાક મહત્વના ખેલાડીઓને પણ આરામ આપવામાં આવશે.

બીસીસીઆઈએ શું ખુલાસો કર્યો?

બીસીસીઆઈના એક સૂત્રએ નામ ન આપવાની શરતે જણાવ્યું હતું કે, "હા, શુભમનને બાંગ્લાદેશ સામેની T20 આંતરરાષ્ટ્રીય શ્રેણી માટે આરામ આપવામાં આવશે." જો તમે મેચોની યાદી પર નજર નાખો તો, ત્રણ T20 આંતરરાષ્ટ્રીય મેચો 7 ઓક્ટોબર (ગ્વાલિયર), 10 ઓક્ટોબર (દિલ્હી) અને 13 ઓક્ટોબર (હૈદરાબાદ) રમાશે. હવે ન્યુઝીલેન્ડ સામે પ્રથમ ટેસ્ટ 16 ઓક્ટોબરથી શરૂ થશે. તેથી માત્ર ત્રણ દિવસના તફાવતને કારણે ગીલને આરામ આપવો મહત્વપૂર્ણ છે. શુભમને 140ની સ્ટ્રાઈક રેટથી રન બનાવ્યા છે. તેને તાજેતરમાં હરારેમાં ઝિમ્બાબ્વે સામેની પાંચ મેચની T20 આંતરરાષ્ટ્રીય શ્રેણી માટે કેપ્ટન તરીકે નિયુક્ત કરાયો હતો જે ભારતે જીતી લીધી હતી.

વધુ વાંચો : ટેસ્ટ ક્રિકેટમાં ઈતિહાસ રચવા તૈયાર, અશ્વિન તોડશે શેન વોર્નનો 18 વર્ષ જૂનો રેકોર્ડ

ટેસ્ટ ટીમમાં બધા ખેલાડીઓ ટી 20 સીરિઝ નહીં રમે

ટેસ્ટ ટીમમાં સામેલ મોટાભાગના ખેલાડીઓ બાંગ્લાદેશ સામેની T20 આંતરરાષ્ટ્રીય શ્રેણીમાં રમે તેવી શક્યતા નથી. રોહિત, વિરાટ અને રવિન્દ્ર જાડેજાની ત્રિપુટીએ ટૂંકા ફોર્મેટમાંથી નિવૃત્તિ લીધી છે જ્યારે ઝડપી બોલર જસપ્રિત બુમરાહ અને મોહમ્મદ સિરાજને પણ વર્કલોડ મેનેજમેન્ટની જરૂરિયાત મુજબ આરામ આપવામાં આવશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ