BIG BREAKING / NCP માં કાકાનું જ ચાલશે રાજ: શરદ પવારે રાજીનામું પરત ખેંચ્યું, કાર્યકર્તાઓમાં ખુશીની લહેર

• NCP સમિતિએ શરદ પવારનું રાજીનામું નામંજૂર દીધું
• શરદ પવાર સક્રિય રાજકારણમાં રહીને પણ પાર્ટીના અધ્યક્ષ તરીકે ચાલુ રહેશે
• શરદ પવારે શુક્રવારે સાંજે રાજીનામું પાછું ખેંચવાની જાહેરાત કરી

NCP સમિતિએ શરદ પવારનું રાજીનામું નામંજૂર દીધું છે. વાત જાણે એમ છે કે, 18 સભ્યોની સમિતિએ રાજીનામું નામંજૂર કરી દીધું છે. બેઠક દરમિયાન એનસીપી સમિતિએ કહ્યું કે, શરદ પવાર સક્રિય રાજકારણમાં રહીને પણ પાર્ટીના અધ્યક્ષ તરીકે ચાલુ રહેશે. આ અંગે શરદ પવારે શુક્રવારે સાંજે YB ચવ્હાણ સેન્ટરમાં પ્રેસ કોન્ફરન્સ કરી અને રાજીનામું પાછું ખેંચવાની જાહેરાત કરી છે. 

શરદ પવારે કહ્યું કે, મેં NCP અધ્યક્ષ પદ પરથી રાજીનામું આપી દીધું છે. મેં રાજકીય જીવનમાં 66 વર્ષ પૂરા કર્યા છે. આટલી લાંબી ઇનિંગ્સ પછી આરામ કરવા માંગતો હતો. મારા નિર્ણયની જાહેરાત બાદ કાર્યકરો અને લોકોમાં અસંતોષની પ્રતિક્રિયા જોવા મળી હતી. મારા સલાહકારોએ કહ્યું કે, મારે આ નિર્ણય પર પુનર્વિચાર કરવો જોઈએ.

I can't disrespect your sentiments. Due to your love, I am respecting the demand that was made to me to withdraw my resignation and the resolution that was passed by senior NCP leaders. I withdraw my decision to step down as the national president of Nationalist Congress Party… https://t.co/Qcf2NwidX7 pic.twitter.com/nt9jcod9Mf

— ANI (@ANI) May 5, 2023

આ સાથે શરદ પવારે કહ્યું કે, મારા સમર્થકો અને માર્ગદર્શકો મને મારો નિર્ણય પાછો ખેંચવા વિનંતી કરી રહ્યા હતા. ઉપરાંત સમગ્ર ભારત અને મહારાષ્ટ્રના રાજકારણીઓ મને પાછી ખેંચી લેવા વિનંતી કરી રહ્યા હતા. તેમણે કહ્યું કે, સમિતિ દ્વારા લેવામાં આવેલા નિર્ણય અને આ તમામ માંગણીઓને ધ્યાનમાં રાખીને મેં NCP પ્રમુખ પદ છોડવાનો નિર્ણય પાછો ખેંચ્યો છે. ભલે હું આ નિર્ણય લઈ રહ્યો છું, મને લાગે છે કે પાર્ટીમાં નવું નેતૃત્વ રચવું જોઈએ અને હું તેના માટે કામ કરીશ.