શનિકૃપા / શનિની કૃપામાં છે નસીબ ઉઘાડી દેવાની તાકાત: કોઈ પણ શનિવારે અચૂક કરી લો આ 5 મહાઉપાય

• શનિવારનો દિવસ શનિદેવ અને શનિ ગ્રહને સમર્પિત
• શનિ અશુભ સ્થિતિમાં હોય તો જ્યોતિષ ઉપાય કરો
• શનિની અશુભ અસર અને શનિદોષ દૂર થશે

હિંદુ શાસ્ત્રમાં સપ્તાહના તમામ દિવસ અલગ અલગ દેવી-દેવતાને સમર્પિત છે. શનિવારનો દિવસ શનિદેવ અને શનિ ગ્રહને સમર્પિત છે. કુંડળીમાં શનિ અશુભ સ્થિતિમાં હોય તો કેટલાક જ્યોતિષ ઉપાય કરવા જોઈએ. આ ઉપાય કરવાથી શનિની અશુભ અસર દૂર થાય છે. શનિદેવને પ્રસન્ન કરવા માટે શનિવારે કેટલાક ઉપાય કરવા જોઈએ. જેથી જીવનમાં સુખ અને સમૃદ્ધિ આવે છે અને લક્ષ્મી માતાનો વાસ થાય છે. 

જ્યોતિષ શાસ્ત્ર અનુસાર શનિવારે કેટલાક ઉપાય કરવાથી નસીબ સુધરે છે. માનવામાં આવે છે કે શનિવારે પીપળાના ઝાડની પૂજા કરવાથી વિશેષ ફળ પ્રાપ્તિ થાય છે. શનિવારે વ્રત કરીને સાંજે પીપળના ઝાડ પર જળ અર્પણ કરો અને તલના તેલનો દીવો કરો. જેથી શનિદેવ પ્રસન્ન થાય છે અને આશીર્વાદ પ્રદાન કરે છે.

• કુંડળીમાં શનિ અશુભ સ્થિતિમાં હોય તો શનિની સાઢેસાતીનો સામનો કરવો પડે છે. જેથી શનિવારે 108 વાર બીજ મંત્ર ऊँ ऐं ह्रीं श्रीं शनैश्चराय नमः મંત્રનો જાપ કરો. આ ઉપાય કરવાથી શનિદેવની કૃપા રહેશે તથા શનિદોષ અને શનિની સાઢેસાતીથી રાહત મળે છે. ઘરે અથવા મંદિરમાં જઈને પણ  મંત્રજાપ કરી શકાય છે.
• શનિદેવની પૂજા કરવાની સાથે જ શનિવારે કાગડા અને કાળા શ્વાનને રોટલી ખવડાવો. કાળા શ્વાનને શનિદેવનું વાહન માનવામાં આવે છે. માનવામાં આવે છે કે, શનિવારે કાળો શ્વાન જોવા મળે તો તેને શુભ માનવામાં આવે છે. આ સિવાય કાગડાને રોટલી ખવડાવવાથી શનિદેવ પણ પ્રસન્ન થાય છે અને આશીર્વાદ પ્રદાન કરે છે.
• શનિવારે દાન કરવું શુભ માનવામાં આવે છે. શાસ્ત્રો અનુસાર શનિવારે ગરીબો અને જરૂરિયાતમંદોને કાળી છત્રી, ધાબળો, અડદની દાળનું દાન કરો. શનિ ચાલીસા, કાળા તલ, ચપ્પલનું દાન કરો. આ વસ્તુઓનું દાન કરવાથી શનિદેવ પ્રસન્ન થાય છે અને ભક્તોના તમામ દુ:ખ દૂર થાય છે. શનિવારે ક્ષમતા અનુસાર દાન કરી શકો છો.
• શનિવારે શનિ રક્ષા સ્તોત્રના પાઠ કરો, જે શુભ અને ફળદાયી માનવામાં આવે છે. શનિ રક્ષા સ્તોત્રનો પાઠ કરવાથી શનિની સાઢેસાતી, શનિઢૈય્યા અને શનિદોષથી મુક્તિ મળે છે. કુંડળીમાં શનિ દોષ હોય તો આ ઉપાય જરૂરથી કરવા જોઈએ.