દુઃખદ / ભરૂચમાં એસ.ટી. બસ અને રિક્ષા વચ્ચે ગંભીર અકસ્માત, 2નાં મોત

ભરૂચ જિલ્લામાં થામ ગામ નજીક આજે વહેલી સવારે ગંભીર માર્ગ અકસ્માત સર્જાયો હતો. એસ.ટી. બસ અને રિક્ષા સામસામે અથડામણ થતાં રિક્ષામાં સવાર બે લોકોના ઘટનાસ્થળે જ મોત નિપજ્યા હતા.

પ્રાથમિક માહિતી મુજબ બસ ભરૂચ તરફ જઈ રહી હતી ત્યારે સામે તરફથી આવી રહેલી રિક્ષા સાથે જોરદાર ટક્કર લાગી હતી. અકસ્માત એટલો ભયાનક હતો કે રિક્ષાનો આગળનો ભાગ સંપૂર્ણપણે ચૂરચૂર થઈ ગયો હતો.

આ અકસ્માતમાં અન્ય ચાર મુસાફરોને ગંભીર ઇજાઓ પહોંચી હતી. ઈજાગ્રસ્તોને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા છે, જ્યાં તેમની સારવાર ચાલી રહી છે. અકસ્માતની જાણ થતાં જ સ્થાનિક લોકો અને પોલીસ તાત્કાલિક ઘટનાસ્થળે દોડી આવી હતી. પોલીસે મૃતદેહોને પોસ્ટમોર્ટમ માટે ખસેડી આગળની કાર્યવાહી હાથ ધરી છે.

પ્રાથમિક અનુમાન મુજબ અકસ્માતનું કારણ અતિઝડપ અથવા બેદરકારી હોઈ શકે છે. જોકે, પોલીસે સમગ્ર મામલે વધુ તપાસ શરૂ કરી છે અને વાસ્તવિક કારણ જાણવા માટે પ્રયત્નો કરી રહી છે.

આ પણ વાંચોઃ પીએમ મોદી ફરી ગુજરાત પ્રવાસે: સેમિકંડક્ટર પ્લાન્ટનું ઉદ્ઘાટન કરશે

ભુજમાં ખાનગી બસનું ટાયર ફાટતા અકસ્માત

ભુજમાં ખાનગી બસનું ટાયર ફાટતા અકસ્માત સર્જાયો હતો. આ અકસ્માતની ઘટનામાં 14 થી વધુ લોકોને ઈજા પહોંચવા પામી હતી. ભુજના રેલડી ફાટક પાસે ટ્રાવેલ્સનું ટાયર ફાટ્યું હતું. અંજારથી ભુજ આવતી બસને અકસ્માત નડ્યો હતો. ટાયર ફાટતા બેકાબૂ થયેલી બસ પલ્ટી ગઈ હતી. ઈજાગ્રસ્તોને સારવાર માટે હોસ્પિટલમાં દાખલ કરાયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ