Share Market Updates / શેર માર્કેટ છપ્પરફાડ: સેન્સેક્સ ફરી આટલા અંક ચડયો, રોકાણકારોની આ શેરોએ તિજોરી ભરી

• જુલાઈ મહિનાના અંતમાં શેર બજારમાં આવકારદાયક તેજી
• મુખ્ય સૂચકઅંકો લીલા નિશાન સાથે બંધ થયા
• સેન્સેક્સ 367 પોઇન્ટ વધીને 66,527  પર અટક્યો

જુલાઈ મહિનાના અંતમાં શેર બજારમાં આવકારદાયક તેજી જોવા મળી હતી. શેરબજાર આજે કારોબારી સપ્તાહના પ્રથમ દિવસે અને જુલાઈ મહિનાના છેલ્લા દિવસે લીલા નિશાન સાથે બંધ થયું હતું અને બજારના મુખ્ય સૂચકઅંકો મજબૂતી સાથે ક્લોઝ થયા હતા. જેમાં BSE સેન્સેક્સની વાત કરવામાં આવે તો તે 367 પોઇન્ટ વધીને 66,527 ના આંક પર અટક્યો હતો. બીજી બાજુ નિફ્ટીમાં પણ તેજીના પ્રાણ પુરાયા હતા અને નિફ્ટી 107 પોઇન્ટ વધીને 19,753 પર બંધ રહેતા રોકાણકારો રાજીના રેડ થયા હતા.

શુક્રવારે સેન્સેક્સમાં 106 નો કડાકો નોંધાયો હતો
ઓટો સેક્ટર અને આઇટી સેક્ટર તથા મેટલ શેરોએ શેરબજારમાં તાકાત ભરી દીધી હતી. નિફટીમાં પાવ સ્ટોકસ મા વધુ તેજી દેખાઈ હતી. જેમાં NTPC ટોપ ગેનર રહ્યા હતાં. આ અગાઉ બજાર જ્યારે બંધ રહી તે શુક્રવારે સેન્સેક્સમાં 106 નો કડાકો નોંધાયો હતો અને તે 66,160 ના અંક પર અટકી ગયો હતો. 

આ શેરમાં નોંધાયો ઉતારચઢાવ

NTPCમાં 4 ટકા નો વધારો તો ONGC માં 3.30 ટકાનો વધારો અને power grid, 3.20 ટકા અને Hindlcoમાં 2.55 ટકાનો વધારો જોવા મળ્યો હતો. બીજી બાજુ  apollo hosp માં 3.03 ટકા ઘટાડો તો 2.10 ટકા ઘટાડા સાથે bitannia બંધ રહ્યો હતો. બીજી બાજુ એચડીએફસી લાઇફ બે ટકા અને bajaj finance 1.20% નો ઘટાડો નોંધાયો હતો.