ગાંધીનગર / અધિકારીઓની મનમાની પર કાતર: ચુંટાયેલા પ્રતિનિધિઓનો નંબર સેવ રાખી ફોનનો જવાબ આપવો જ પડશે, પરિપત્રમાં સ્પષ્ટ સૂચના

• સામાન્ય વહીવટી વિભાગે અધિકારીઓને મોબાઈલ નંબર સેવ રાખવા સ્પષ્ટ સૂચના
• અધિકારીઓએ ફરજીયાત ચૂંટાયેલા પદાધિકારીઓના મોબાઈલ નંબર રાખવા પડશે સેવ
• વ્યસ્તતાનાં કારણે ફોન ન ઉપાડી શકે તો વ્યસ્તતામાંથી ફ્રી થયા બાદ તરત ફોન કરવાનો રહેશે

છેલ્લા ઘણા સમયથી ચૂંટાયેલા પદાધિકારીઓનું સરકારી બાબુઓ સાંભળતા ન હોઈ પદાધિકારીઓ બેબાકળા બન્યા છે. ત્યારે તાજેતરમાં જ મહુવા ધારાસભ્ય મોહન ઢોડિયા દ્વારા આ બાબતે સંકલનની બેઠકમાં મુદ્દો ઉઠાવતા આ મુદ્દો ચર્ચાસ્પદ બન્યો હતો.  જેને લઈને આજે સામાન્ય વહીવટી વિભાગે એક પરિપત્ર જાહેર કર્યો હતો. જેમાં જણાવ્યું છે કે, તમામ સરકારી અધિકારીઓએ ચૂંટાયેલા પ્રજાનાં પ્રતિનિધિઓ, સાંસદ તેમજ વિધાનસભાનાં સભ્યોનાં મોબાઈલ નંબર મોબાઈલમાં સેવ રાખવાનો આદેશ કર્યો છે.

ગાંધીનગર ન્યૂઝ : સરકારી અધિકારીઓએ ચુંટાયેલા પ્રતિનિધિઓને ફોનના જવાબ આપવા માટે સામાન્ય વહીવટ વિભાગે કર્યો પરીપત્ર, અધિકારીઓએ ચુંટાયેલા પદાધિકારીઓના મોબાઈલ નંબર સેવ રાખવા પડશે#Gandhinagar #VTVGujarati pic.twitter.com/92v35yrIf1

— VTV Gujarati News and Beyond (@VtvGujarati) August 22, 2023

 અધિકારીઓએ ચુંટાયેલા પદાધિકારીઓના મોબાઈલ નંબર સેવ રાખવા પડશે
ગુજરાત સરકાર દ્વારા પરિપત્ર જાહેર કરવામાં આવ્યો છે. જેમાં જણાવ્યું છે કે,  સંસદ તથા વિધાનસભા સભ્ય કે પ્રજાનાં ચૂંટાયેલા અન્ય પદાધિકારીઓ જેવા કે તાલુકા પંચાયતનાં પ્રમુખો, નગરપતિ કે મેયરનો સંપર્ક નંબર સેવ રાખવાનો રહેશે. તેમજ તેમનાં દ્વારા સરકારી અધિકારીઓને કચેરી સમયે લેન્ડ લાઈન ફોન પર સંપર્ક કરે અને જો સંજોગોમાં સબંધિત અધિકારી જે તે સમયે ઉપસ્થિત ન હોય અથવા તો મીંટીંગમાં કે અન્ય રીતે વ્યસ્ત હોય અને જનપ્રતિનિધિઓ સાથે વાતચીત ન થઈ શકે તો વ્યસ્તતામાંથી છૂટા થયા બાદ તરત જ ચૂંટાયેલા પદાધિકારીને સામેથી ફોન કરવો. 

ગેરહાજરીમાં ફોન ઉપાડનારે યાદી તૈયાર કરવી
ચૂંટાયેલા પદાધિકારી જ્યારે સરકારી અધિકારીઓને ફોન કરે ત્યારે તેમની ગેરહાજરીમાં ફોન ઉપાડનાર કર્મચારી ફોનની નોંધ કરી તેની યાદી રાખશે. અને જે તે સબંધિત અધિકારી કચેરીમાં આવે કે તરત જ તેમનાં ધ્યાન પર યાદી મુકવાની રહેશે.