સેફ્ટી ટિપ્સ / કોઈ નહીં કરી શકે અંગત પળોને કેપ્ચર, પકડાઈ જશે હોટલમાં છુપાવેલો ગુપ્ત કેમેરો, કરજો આ 3 કામ

• હોટલમાં ગુપ્ત કેમેરો શોધવાની 3 રીત
• ફોનની ફ્લેશલાઈટ ચાલુ કરજો
• ફોનના કેમેરાથી પણ હિડન કેમેરો શોધી શકાય 
• મોબાઈલ ફોનનું બ્લૂટૂથ ચાલુ કરીને હિડન કેમેરો ચેક કરી શકાય

મુસાફરી દરમિયાન દરેક વ્યક્તિ હોટલના રૂમમાં જ રહે છે. હોટેલમાં રોકાવું આરામદાયક છે, પરંતુ તમારી પ્રાઇવસી અને સિક્યોરિટીનું ધ્યાન રાખવું પણ ખૂબ જરૂરી છે. હોટલો છુપા કેમેરા ગોઠવીને કપલની અંગત પળો કેપ્ચર કરી લેવાની ઘટનાઓ અવારનવાર સામે આવતી હોય છે, આવી સ્થિતિમાં સેફ્ટી કરી લેવી જરુરી હોય છે. હવેથી જ્યારે પણ તમે પત્ની કે ગર્લફ્રેન્ડ સાથે હોટલમાં રહો ત્યારે નીચેની 3 રીતો ચેક કરી લેજો જેથી કરીને હોટલના રુમમાં કેમેરો છુપાયેલો હશે તો તરત પકડાઈ જશે. 

છુપાવેલો કેમેરો કેવી રીતે શોધવો 
હોટલનો રુમ લીધા બાદ સૌથી પહેલા તેમાં કોઈ કેમેરો છે કે નહીં તે શોધી કાઢો. હિડન કેમેરાને ડિટેક્ટ કરવા માટે હોટલના રૂમમાં જતા જ પહેલા બધી લાઈટો બંધ કરી દો. સાથે જ બારી-બારણાં પર પરદો લગાવી દો જ્યારે રૂમમાં સંપૂર્ણ અંધારું થઈ જાય, ત્યારે ફોનની ફ્લેશલાઇટ ચાલુ કરો અને જો રુમમાં ક્યાંય પણ કેમેરો હશે તો તેની લાઈટ થઈ જશે અને તરત દેખાશે. 

ફોનના કેમેરાથી પણ હિડન કેમેરો શોધી શકાય 
આજકાલ હિડન કેમેરા એટલા નાના હોય છે કે તેને શોધવા મુશ્કેલ હોય છે. આવી સ્થિતિમાં, તમે બીજી સરળ રીત અપનાવી શકો છો જેમાં તમારે તમારા ફોનનો કેમેરો ચાલુ કરવો પડશે. ફોનનો કેમેરો ચાલુ કર્યા બાદ બધું ચેક કરી લો. જો તમને ક્યાંય પણ નાના-નાના ટપકાં દેખાય તો તરત જ હોટલ મેનેજરને તેના વિશે પૂછો.

મોબાઈલ ફોનનું બ્લૂટૂથ ચાલુ કરીને હિડન કેમેરો ચેક કરી શકાય
આ સિવાય તમે મોબાઈલ બ્લૂટૂથ દ્વારા પણ રુમમાં છુપાવેલો કેમેરો શોધી શકો છો. હોટલના રૂમમાં લાગેલા કેમેરો બ્લૂટૂથથી ઓપરેટ થાય છે. જો તમને હોટલના રૂમને લઈને કોઈ શંકા હોય તો મોબાઈલ ફોનનું બ્લૂટૂથ ચાલુ કરીને ચેક કરો અને આ રીત દ્વારા છુપાયેલો કેમેરો ઝડપાઈ જશે.