દેશની દિકરીને બિરદાવો / VIDEO : 'કાલે હરાજી અને આજે મેચ', છોકરીની રમત જોઈને સચિનથી ન રહેવાયું વીડિયો કર્યો શેર

• સુર્યકુમાર યાદવની સ્ટાઈલમા ક્રિકેટ રમતી બાડમેરની છોકરીનો વીડિયો વાયરલ
• ખેતરમાં ઘરેલુ ક્રિકેટમાં લગાવ્યાં અંધાધૂંધ શોટ્સ
• સચિન તેંડુલકર થયો દિવાનો, વીડિયો શેર કર્યાં વગર ન રહી શક્યો 

બાડમેરની છોકરીની ક્રિકેટની રમતને દેશ આખાએ વખાણી છે. ક્રિકેટ રમતી છોકરીનો વીડિયો વાયરલ થયા બાદ આખો દેશ સોશિયલ મીડિયા પર તેની રમતને બિરદાવી રહ્યાં છે ત્યારે ક્રિકેટના ભગવાન ગણાતા સચિન તેંડુલકરે પણ બાડમેરની દીકરીની ક્રિકેટની રમતને બિરદાવી છે. 

તમારી બેટિંગ જોવાની ખૂબ જ મજા આવી- વીડિયો શેર કર્યો 
સચિન તેંડુલકરે પોતાના ટ્વિટર હેન્ડલ પર એક વીડિયો શેર કર્યો છે. વીડિયોમાં ભારતની દીકરી ખેતરની આસપાસ ક્રિકેટની રમતમાં શોટ્સ લેતી જોવા મળી રહી છે. સચિન તેંડુલકરે વીડિયોના કેપ્શનમાં લખ્યું, 'હરાજી ગઈકાલે થઈ... અને આજથી જ મેચની શરૂઆત થઈ ગઈ? શું વાત છે. તમારી બેટિંગ જોવાની ખૂબ જ મજા આવી. સચિને #CricketTwitter #WPL અને @wplt20 પર પોતાનો વીડિયો પણ ટેગ કર્યો હતો. સચિને ટ્વીટમાં એ પણ જણાવ્યું છે કે તેને આ વીડિયો વોટ્સએપ દ્વારા મળ્યો છે. સચિને ટ્વિટર પર શેર કર્યા બાદ આ વીડિયો થોડા જ સમયમાં વાયરલ થઇ ગયો હતો. સુર્યકુમાર યાદવની જેમ બોલને ઝૂડી રહી રહેલી છોકરીના ચોમેરથી વખાણ થઈ રહ્યાં છે. 

जुनून हो तो धोरों में से भी हीरा निकल सकता है..
बेटियां तो भी वैसे भी किसी हीरे से कम नहीं है!#बाड़मेर के एक गांव की प्रतिभा-..वाह!@narendramodi @ianuragthakur @smritiirani @KirenRijiju @KailashBaytu pic.twitter.com/gGj0jRyHHM

— PP Chaudhary (@ppchaudharybjp) February 13, 2023

Amazed by the young girl's cricket skills & passion for the game! I'm glad to see that the future of Women's Cricket is in good hands. Let us work together to empower our young athletes so that they can become future game changers! #GirlsInCricket #FutureStars @wplt20 @BCCIWomen pic.twitter.com/Bw5yv151wI

— Jay Shah (@JayShah) February 14, 2023

યૂઝરે લખ્યું- સુર્યકુમાર યાદવનું ફિમેલ વર્ઝન 
સુર્યકુમાર યાદવની સ્ટાઈલથી રમી રહેલી છોકરીનો વીડિયો વાયરલ થયા બાદ લોકોને તેની રમત ખૂબ પસંદ પડી. કોઇએ લખ્યું છે કે તે સ્કાય (સુર્યકુમાર યાદવ જે છોકરીની જેમ ક્રિકેટ રમે છે)નું ફિમેલ વર્ઝન લાગે છે. એક યૂઝરે લખ્યું કે આ વીડિયો રાજસ્થાનના બાડમેરમાં શૂટ કરવામાં આવ્યો છે. એક યુઝરે લખ્યું, "તે દિવસોને યાદ કરો જ્યારે અમે રમતા હતા. અમારું બૅટ માત્ર લેગ સાઈડ પર જ ચાલતું હતું.