યુદ્ધ / રશિયાએ યૂક્રેનની રાજધાની કીવમાં સિરીયલ વિસ્ફોટ કર્યા, ફુટબૉલ વર્લ્ડ કપથી રશિયાને કરાયુ દૂર

• યૂક્રેનની રાજધાનીમાં ફરી અટેક
• યૂક્રેન અને રશિયાની બેઠક પૂર્ણ થતાં જ ફરી ફેંકાયા બોમ્બ 
• કીવ સહિત અનેક શહેરોમાં સિરીયલ વિસ્ફોટ

રાજધાની કીવમાં બ્લાસ્ટ બાદ લોકો બંકર તરફ ભાગી રહ્યા છે. કીવના બ્રોવૈરી સોલેમૈંકામાં આ બ્લાસ્ટ થયા છે. યૂક્રેનના તમામ શહેરો અને સૈન્ય ઠેકાણાઓ પર હુમલા બાદ રશિયન સેના રાજધાની કીવને નિશાન બનાવતા, તેના પર કબજો કરવાની કોશિશમાં છે. રશિયાની આક્રામકતાના વિરોધમાં દુનિયાભરના દેશ તેના પર પ્રતિબંધ લગાવી રહ્યા છે. સંયુક્ત રાષ્ટ્રે પણ રશિયાની કડક શબ્દોમાં નિંદા કરી છે. તો એક બાદ એક રશિયા વિરૂદ્ધ પ્રતિબંધો લગાવવામાં આવી રહ્યા છે. ફુટબૉલ વર્લ્ડકપથી રશિયાને દૂર કરાયું. યૂક્રેન પર હુમલો કરવો ભારે પડ્યો છે.

તો બીજી તરફ યૂક્રેને બીજા સૌથી મોટા શહેર ખાર્કિવ પર રશિયાની મિસાઇલ હુમલામાં અનેક લોકોના મોત થયા છે. આ હુમલામાં મોટી સંખ્યામાં લોકો ઇજાગ્રસ્ત થયા છે. ખાર્કિવમાં એક એપાર્ટમેન્ટ બ્લોક પર રશિયન ગ્રેડ મિસાઇલથી હુમલો કરવામાં આવ્યો. ફેસબુક પર એક પોસ્ટ યૂક્રેનના ગૃહ મંત્રાલયના પ્રવક્તા એન્ટોન ગેરાશચેંકોએ કહ્યું કે, ખાર્કિવ હાલમાં જ મોટા પ્રમાણમાં ગ્રેડ રોકેટ હુમલાની ઝપેટમાં આવ્યું છે. આ હુમલામાં મોટા પ્રમાણમાં લોકો માર્યા ગયા અને અનેક ઇજાગ્રસ્ત થયા છે.

Reported to be military radar communications center in Brovary, about 20 km from the center of Kyiv. Injuries reported. Blast was heard up to 25 km away. https://t.co/70sWTtxpem

— Euan MacDonald (@Euan_MacDonald) February 28, 2022

રશિયાએ પણ પોતાના સૈનિકોની હાનિની માહિતી આપી

અત્યાર સુધીમાં આ યુદ્ધમાં મોટી સંખ્યામાં લોકોના મોત થયા છે. યૂક્રેનમાં થયેલા હુમલામાં મરનારા લોકોમાં ઓછામાં ઓછા 14 બાળકો સામેલ છે. આ વચ્ચે રશિયાએ પણ  પોતાના સૈનિકોના મોતની માહિતી આપી છે. રશિયા અને યૂક્રેન વચ્ચે ગત અઠવાડિયાથી શરૂ થયેલું યુદ્ધ ધીરે ધીરે તેજ થવા લાગ્યું છે.