આંતરિક બદલી / અરવલ્લી જિલ્લા પોલીસ બેડામાં બદલીનો ઘાણવો, એક સાથે 152 પોલીસકર્મીઓના ટ્રાન્સફરના આદેશ

• અરવલ્લી જિલ્લા પોલીસમાં મોટા પાયે બદલીના આદેશ
• જિલ્લાના 152 પોલીસકર્મીઓની બદલીના આદેશ કરાયા
• પોલીસ કર્મીઓને તત્કાલિત બદલીના સ્થળે હાજર થવા સુચન

અરવલ્લી જીલ્લા પોલીસ દ્વારા જાહેર હિતને લઈને જીલ્લાનાં જુદા જુદા પોલીસ મથકોમાં ફરજ બજારતા 152 પોલીસકર્મીઓની બદલીનાં આદેશ કરાતા પોલીસબેડામાં ખળભળાટ મચી જવા પામ્યો હતો. ત્યારે અરવલ્લી જીલ્લા પોલીસવડા સંજય ખરાત દ્વારા સામુહિક પોલીસ કર્મીઓની સામુહિક બદલી કરવામાં આવી છે. જેમાં તમામ પોલીસ સ્ટેશનો અને હેડક્વાર્ટરમાં આંતરિક બદલીઓ કરવામાં આવી છે. તેમજ તમામ પોલીસ કર્મીઓને તાત્કાલિક બદલીનાં સ્થળે હાજર કરવા સૂચન પણ કરવામાં આવ્યું છે.