સ્વાસ્થ્ય / શરીરને રાખવું છે હેલ્ધી અને ફિટ? તો શિયાળામાં રોજ સવારે મોર્નિંગ વોક પર નીકળી જાઓ, બીમારીઓ ઝટથી ગાયબ

• શરીરની રોગપ્રતિકારક શક્તિ મજબૂત બને
• તમારી માનસિક સ્થિતિ સારી રહે
• નિયમિત રીતે ચાલવાથી શરીરની કેલરી બર્ન થાય 

સવારે ચાલવાથી શરીરની રોગપ્રતિકારક શક્તિ મજબૂત બને છે.  જે આપણાં શરીરને કોઈ પણ નાની-મોટી બીમારીઓ સામે લડવાની ક્ષમતા આપે છે.  સવારે ચાલવાનો એક મોટો ફાયદો એ છે કે તેનાથી તમારી માનસિક સ્થિતિ સારી રહે છે અને ચિંતા જેવી સમસ્યાઓ દૂર થાય છે.  ઘણી વાર શિયાળામાં વેલા ઊઠવાનાં આળસથી સવારે ચાલવાનું છોડી દઇએ છીએ.  જાણીએ શિયાળામાં નિયમિત રીતે ચાલવાથી થતાં ફાયદાઓ વિશે. 

મૂડ સારો રહે 
શિયાળામાં દરરોજ સવારે ચાલવાનાં લીધે, શરીરમાંથી સારા હોર્મોન્સ નીકળે છે.  જેમકે એન્ડોર્ફિન હાર્મોન્સ જેનાંથી તમારું મૂડ સારું રહેશે. 

રોગપ્રતિકારક શક્તિ મજબૂત બને 
શિયાળામાં સવારે ચાલવાથી રોગપ્રતિકારક શક્તિ મજબૂત બને છે. જેથી આપણું શરીર જલ્દી બીમારીઓથી સંક્રમિત થવાથી બચે છે. 

વજન સંતુલિત રહે 
શિયાળામાં નિયમિત રીતે ચાલવાથી શરીરની કેલરી બર્ન થાય છે. જેનાંથી મેટાબોલિઝમ બૂસ્ટ થાય છે.  જે આપણાં વજનને નિયંત્રિત કરવામાં મદદરૂપ થાય છે. 

ફેફસાની ક્ષમતા વધારે 
શિયાળાની ઋતુમાં ગતિથી ચાલવાથી ફેફસાની ક્ષમતા વધે છે અને શ્વસન સ્નાયુઓ મજબૂત બને છે.  ઝડપી શ્વાસ લેવાથી શરીર સ્વસ્થ રહે છે. 

હાડકાં મજબૂત બને 
રોજ સવારે ચાલવાથી શરીરનું રક્ત પરિભ્રમણ વધે છે.  જેથી પોષક તત્વો સમયસર આપણાં શરીરનાં હાડકાં સુધી પહોંચે છે.  જેનાં લીધે હાડકાં મજબૂત બને છે અને ફેક્ચરનું જોખમ ઘટે છે. 

સાંધાની સમસ્યાઓ ઘટે 
ઠંડીમાં સવારે ગતિથી ચાલવાથી અને વ્યાયામ કરવાથી સાંધાની પણ કસરત થાય છે.  સાંધાનું ગ્રીસિંગ થાય છે અને આર્થરાઈટિસ જેવી બીમારીઓ દૂર થાય છે.  

મગજશક્તિ વધે 
સવારે નિયમિત રીતે ચાલવાથી લોહીનો પ્રવાહ વધી જાય છે.  જેથી આપણાં મગજને જરૂરી માત્રામાં ઓક્સિજન મળે છે.  તેથી આપણી યાદ કરવાની ક્ષમતા વધી જાય છે.  જે આપણાં મગજને બધી જ રીતે સ્વસ્થ રાખે છે. 

પૂરતી ઊંઘ લેવી 
સવારે વહેલાં ઉઠી ચાલવાથી અને વ્યાયામ કરવાથી શરીરને થાક લાગે છે.  તેથી આપણી ઊંઘવાની પેટર્ન સુધરે છે.  7-8 કલાક ઊંઘવાથી આપણું શરીર સ્વસ્થ બને છે. શરીરમાં ઊર્જાનું સંચાર થાય છે.