Raksha bandhan 2023 / આજે રક્ષાબંધન : ભાઈને આ દિશામાં બેસાડીને રાખડી બાંધવી અત્યંત અશુભ, જાણી લો નિયમ

• ભાઈ અને બહેનના પ્રેમનો તહેવાર એટલે રક્ષાબંધન
• રાખડી બાંધતી વખતે બહેનોએ મુખ પશ્ચિમ તરફ રાખવું જ્યારે ભાઈઓએ પૂર્વ તરફ
• આ વખતે 30 અને 31 ઓગસ્ટ બે દિવસ રક્ષાબંધનની ઉજવણી કરવામાં આવશે

રક્ષાબંધનનો તહેવાર તમામ ભાઈઓ અને બહેનો માટે ખૂબ જ ખાસ છે.આજે ભાઈ-બહેનના પ્રેમ અને પવિત્ર સંબંધની આજે ધામધૂમથી ઉજવણી કરવામાં આવશે. આજનાં દિવસે બહેનો ભાઈઓના કાંડા પર રાખડી બાંધી ભાઈનાં લાંબા આયુષ્યની કામના કરે છે અને ભાઈઓ તેમની બહેનોની રક્ષા માટે પ્રતિજ્ઞા લે છે.આ વખતે બે દિવસ રક્ષાબંધન 30 અને 31 ઓગસ્ટના રોજ ઉજવણી કરવામાં આવશે. પરંતુ ભદ્રકાળના કારણે રાખડી બાંધવાનો શુભ સમય 30 ઓગસ્ટ 2023ના રોજ રાત્રે 9.1 વાગ્યાથી શરૂ થશે અને 31 ઓગસ્ટ 2023ના રોજ સવારે 7.05 વાગ્યે સમાપ્ત થશે.
કઈ દિશામાં રાખડી બાંધવી જોઈએ?
ધાર્મિક માન્યતા છે કે રાખડી બાંધતી વખતે શુભ સમયની સાથે સાથે દિશાઓનું પણ ધ્યાન રાખવું જોઈએ.દિશાઓને અવગણવાથી અશુભ પરિણામ આવી શકે છે.તેથી ભાઈના સુખી જીવન માટે દિશાની સાથે રાખડી બાંધવાના નિયમોનું પણ પાલન કરવું જોઈએ.
પૂર્વ દિશા સૌથી શુભ
જ્યોતિષશાસ્ત્ર અનુસાર રાખડી બાંધતી વખતે બહેનોનું મુખ પશ્ચિમ તરફ અને ભાઈનું મુખ પૂર્વ તરફ હોવું જોઈએ.આ સિવાય રાખડી બાંધતી વખતે ભાઈનું મુખ ઉત્તર દિશા તરફ પણ હોઈ શકે છે.આ દિશાઓમાં દેવતાઓનો વાસ હોવાની ધાર્મિક માન્યતા છે.જેના કારણે ભાઈ-બહેનના સંબંધો પર ભગવાનની કૃપા રહે છે.
સાંજે કઈ દિશામાં રાખડી બાંધવી જોઈએ?
આજે રક્ષાબંધન હોઈ રાખડી બંધાવતી વખતે ભાઈઓએ ઉત્તર કે પૂર્વ તરફ મોં રાખીને બેસવું જોઈએ.બહેનોનું મુખ પશ્ચિમ તરફ હોવું જોઈએ, પરંતુ જો તમે સાંજે તમારા ભાઈને રાખડી બાંધતા હોવ તો ભાઈનું મુખ પશ્ચિમ તરફ હોવું જોઈએ.એવું માનવામાં આવે છે કે આવું કરવાથી ભાઈનું સુખ અને સૌભાગ્ય વધે છે.