Raksha bandhan 2023 / રક્ષાબંધન પર બનશે આ દુર્લભ યોગ: મળશે નોકરીમાં પ્રમોશન, થશે વેપારમાં તેજી, પલટાશે આ રાશિના જાતકોની કિસ્મત

• 30 અને 31 ઓગસ્ટના રોજ રક્ષાબંધન ઊજવવામાં આવશે
• આ વર્ષે રક્ષાબંધન પર ભદ્રા રહેશે અને સર્વાર્થ સિદ્ધિ જેવો શુભ યોગ બનશે
• આવો જાણીએ, રક્ષાબંધન કઈ રાશિના જાતકો માટે શુભ સાબિત થશે?

આ વર્ષે 30 અને 31 ઓગસ્ટના રોજ રક્ષાબંધન ઊજવવામાં આવશે. દર વર્ષે શ્રાવણ માસની પૂનમના દિવસે રક્ષાબંધન ઊજવવામાં આવે છે. રક્ષાબંધનનો તહેવાર ભાઈ-બહેનના પ્રેમનું પ્રતિક માનવામાં આવે છે. આ દિવસે બહેન તેના ભાઈના હાથ પર રાખડી બાંધે છે અને ભાઈ તેની બહેનને રક્ષાનું વચન આપે છે. 

આ વર્ષે રક્ષાબંધનનો તહેવાર ખૂબ જ ખાસ માનવામાં આવી રહ્યા છે. આ વર્ષે રક્ષાબંધન પર ભદ્રા રહેશે અને સર્વાર્થ સિદ્ધિ જેવો શુભ યોગ બનશે. 30 ઓગસ્ટના રોજ ભદ્રા રહેશે. આ કારણોસર 31 ઓગસ્ટના રોજ સવારે રાખડી બાંધવામાં આવશે. રક્ષાબંધન કઈ રાશિના જાતકો માટે શુભ સાબિત થશે, તે અંગે અહીંયા જણાવવામાં આવ્યું છે. 

મેષ- મેષ રાશિના જાતકો માટે રક્ષાબંધન શુભ સાબિત થશે. બિઝનેસમાં તેજી આવશે. જે પણ કામ અટકેલા હશે, તે પૂર્ણ થશે. કાર્યક્ષેત્રે વધુ લાભ થશે. 

કન્યા- નોકરી અને પ્રમોશનનો યોગ બની રહ્યો છે. સરકારી ક્ષેત્રે જોડાયેલા લોકોને લાભ થશે. સમાજમાં માન અને સમ્માન પ્રાપ્ત થશે. પરિવારજનો સાથે સંબંધ વધુ મજબૂત થશે. 

મકર- બિઝનેસ ખૂબ જ સારો ચાલશે. નોકરિયાતવર્ગને લાભ થશે. તમામ રાજનૈતિક બાબતોનું નિવારણ આવશે. વિદેશ જવાનો યોગ બની રહ્યો છે, જેના કારણે લાભ થશે. ઓફિસમાં ફાયદો થશે. 

મીન- જે પણ ધન અટકેલું છે, તે પરત મળશે. બિઝનેસમાં લાભ થશે. નવા બિઝનેસની શરૂઆતથી લાભ થશે. પાર્ટનરશીપથી પણ ફાયદો થશે.